ଆକ୍ସିସ୍ ବ୍ୟାଙ୍କ ଓ ଭିସା ପକ୍ଷରୁ ଭାରତର ସ୍ୱଚ୍ଛଳ ବର୍ଗଙ୍କ ପାଇଁ ଅଲ୍ଟ୍ରା ଲକ୍ଜୁରି କ୍ରେଡିଟ୍ କାର୍ଡ “ପ୍ରାଇମସ୍”ର ଶୁଭାରମ୍ଭ
ଭୁବନେଶ୍ୱର: ଭାରତର ଅନ୍ୟତମ ସର୍ବବୃହତ ଘରୋଇ ବ୍ୟାଙ୍କ ଆକ୍ସିସ୍ ବ୍ୟାଙ୍କ ପକ୍ଷରୁ ଡିଜିଟାଲ୍ ପେମେଂଟ୍ର ବିଶ୍ୱସ୍ତରୀୟ ସଂସ୍ଥା ଭିସା ସହଯୋଗିତାରେ ଏକ ଅଲ୍ଟ୍ରା ପ୍ରିମିୟମ୍ କ୍ରେଡିଟ୍ କାର୍ଡ “ପ୍ରାଇମସ୍’ର ଶୁଭାରମ୍ଭ କରାଯାଇଛି ଯାହା ଲକ୍ଜୁରିର ସଂଜ୍ଞା ବଦଳାଇବ। କିଛି ନିର୍ଦ୍ଦିଷ୍ଟ ସ୍ୱଚ୍ଛଳ ବର୍ଗର ଗ୍ରାହକଙ୍କୁ କେବଳ ଆମନ୍ତ୍ରଣ ଆଧାରରେ ଏହି ସୁପର-ପ୍ରିମିୟମ୍ କାର୍ଡ ପ୍ରଦାନ କରାଯିବ। ଏହା ଦ୍ୱାରା ପ୍ରଥମ ଥର ପାଇଁ ଭାରତରେ ଗ୍ରାହକମାନେ ଭିସା ଇନଫାଇନାଇଟ୍ ପ୍ରିଭିଲେଜ୍ରେ ଥିବା ଲାଭ ଓ ସୁବିଧାସୁଯୋଗଗୁଡ଼ିକୁ ପାଇପାରିବେ।
ଅତି ଧନିକ ବର୍ଗର ଲୋକଙ୍କ ବ୍ୟାଙ୍କିଙ୍ଗ ଆବଶ୍ୟକତା ଅତ୍ୟନ୍ତ ନିର୍ଦ୍ଦିଷ୍ଟ ଓ ଜଟିଳ ହୋଇଥିବା ବେଳେ ସେଥିପାଇଁ ସ୍ୱତନ୍ତ୍ର ସେବା ଦରକାର। ଧନିକ ଭରତୀୟଙ୍କ ଆବଶ୍ୟକତା ପୂରଣ କରିବା ଓ ସେମାନଙ୍କୁ ଷ୍ଟାଇଲ୍, ସ୍ୱତନ୍ତ୍ର ସୁବିଧା ଦେବା ଲାଗି ପ୍ରାଇମସ୍ କ୍ରେଡିଟ୍ କାର୍ଡ ପ୍ରସ୍ତୁତ କରାଯାଇଛି।
ଆକ୍ସିସ୍ ବ୍ୟାଙ୍କ ଓ ଭିସାର ଏହି ଶ୍ରେଷ୍ଠ ମାନର ସେବା ଜରିଆରେ ବ୍ୟାଙ୍କ ଉଚ୍ଚ ଧନିକ ବର୍ଗର ଗ୍ରାହକଙ୍କ କ୍ଷେତ୍ରରେ ପ୍ରବେଶ କରିବା ସହ ଅନୁଭୂତି ପାଇଁ ନୂତନ ମାନଦଣ୍ଡ ନିର୍ଧାରଣ କରିଛି। ଏହି ବ୍ୟବସ୍ଥାରେ ଏହି ସମ୍ଭ୍ରାନ୍ତ ଗ୍ରାହକମାନଙ୍କ ଲାଗି ସ୍ୱତନ୍ତ୍ର ଲକ୍ଜୁରି ଅନୁଭୂତି ପ୍ରସ୍ତୁତ କରାଯାଇଛି ଯଥା ନିର୍ଦିଷ୍ଟ ଭୋଜନ ଓ ସ୍ୱତନ୍ତ୍ର ଭାବେ ପ୍ରସ୍ତୁତ ଯାତାୟାତ ସୁବିଧା, ପ୍ରାଇଭେଟ୍ ଜେଟ୍ ହାସଲ କରିବା, ବନ୍ଧୁ ଟିକଟ ଏବଂ ସ୍ୱତନ୍ତ୍ର ଉତ୍ପାଦ ଉନ୍ମୋଚନ କାର୍ଯ୍ୟକ୍ରମ, ମ୍ୟୁଜିକ୍ କନସର୍ଟ ଓ ପ୍ରାଇଭେଟ୍ କଳା ପ୍ରଦର୍ଶନୀକୁ ଆମନ୍ତ୍ରଣ କରିବା ଭଳି ସୁବିଧା ପ୍ରଦାନ କରାଯାଇଛି
ଆକ୍ସିସ୍ ବ୍ୟାଙ୍କର ଗ୍ରୁପ୍ ଏକ୍ଜିକ୍ୟୁଟିଭ୍ ଓ ହେଡ୍-ଆଫ୍ଲୁଏଂଟ୍ ବ୍ୟାଙ୍କିଙ୍ଗ, ରିଟେଲ୍ ଆସେଟ୍ସ, କାର୍ଡସ୍ ଆଣ୍ଡ ପେମେଂଟ୍ସ ଅର୍ଜୁନ ଚୌଧୁରୀ କହିଛନ୍ତି ଯେ, “ବ୍ୟାଙ୍କର ଅଭିବୃଦ୍ଧିକୁ ତ୍ୱରାନ୍ୱିତ କରିବା ପାଇଁ ଆମର କ୍ଲାଏଂଟ୍ ପୋର୍ଟଫୋଲିଓ ପ୍ରିମିୟମକରଣ ହେଉଛି ଆମ ରଣନୀତିର ଅନ୍ୟତମ ଗୁରୁତ୍ୱପୂର୍ଣ୍ଣ ଅଂଶ। ଆମେ “ବରଗୁଣ୍ଡି ପ୍ରାଇଭେଟ୍’ ସହିତ ଏକ ସ୍ୱତନ୍ତ୍ର ମୂଲ୍ୟ ପ୍ରସ୍ତାବ ସୃଷ୍ଟି କରିଛୁ ଏବଂ ଆମର ସମୃଦ୍ଧ ଗ୍ରାହକଙ୍କ ଆବଶ୍ୟକତା ପୂରଣ କରିବା ପାଇଁ ପ୍ରିମିୟମ୍ କ୍ରେଡିଟ୍ କାର୍ଡ ଉତ୍ପାଦଗୁଡ଼ିକର ଏକ ସମୂହ ରଖିଛୁ। ଏବେ ନିଜର ପ୍ରଥମ କ୍ରେଡିଟ୍ କାର୍ଡ ପ୍ରାଇମସ୍ର ଶୁଭାରମ୍ଭ କରିଛୁ ଯାହା ଅତୁଳନୀୟ ସୁବିଧା, ବ୍ୟକ୍ତିଗତ ରିୱାର୍ଡ, ବିଳାସପୂର୍ଣ୍ଣ ରିୱାର୍ଡ, ବ୍ୟକ୍ତିଗତ ଏବଂ ଅଭିଜ୍ଞତା ସହିତ ଆମେ ଭାରତର ଗ୍ରାହକଙ୍କ ଆବଶ୍ୟକତା ଏବଂ ଆଶାକୁ ପୂରଣ କରିବାରେ ସକ୍ଷମ ହୋଇପାରିବୁ। ଭିସା ସହ ସହଯୋଗିତାରେ ଆମେ ଆମର ପ୍ରାଇମସ୍୍ କ୍ରେଡିଟ୍ କାର୍ଡ ମାଧ୍ୟମରେ ଭିସା ଇନଫିନିଟି ପ୍ରିଭିଲେଜ୍ ଅଫର ସହିତ ଏକ ବିଶ୍ୱସ୍ତରୀୟ ସୁବିଧା ସୁଯୋଗ ଏବଂ ଲାଭ ପ୍ଲାଟଫର୍ମ ଭାରତକୁ ଆଣି ଆନନ୍ଦିତ।’’
ଭିସାର ଭାରତ ଓ ଦକ୍ଷିଣ ଏସିଆର ଗ୍ରୁପ୍ କଂଟ୍ରି ମ୍ୟାନେଜର ସନ୍ଦୀପ ଘୋଷ କହିଛନ୍ତି ଯେ, “ଆମେ ଭାରତର ସବୁଠାରୁ ବୁଦ୍ଧିମାନ ଏବଂ ଅତ୍ୟାଧୁନିକ ଉପଭୋକ୍ତାଙ୍କ ପାଇଁ ଆମର ପ୍ରିମିୟମ କ୍ରେଡିଟ୍ କାର୍ଡ ପ୍ରସ୍ତାବ ଉପସ୍ଥାପନ କରି ଆନନ୍ଦିତ। ଭିସା ଅସୀମ ଅଧିକାର ପ୍ରସ୍ତାବରେ ଆକ୍ସିସ୍ ବ୍ୟାଙ୍କ ହେଉଛି ଆମର ପ୍ରଥମ ଅଂଶୀଦାର। ଆକ୍ସିସ୍ ପ୍ରାଇମସ୍ କାର୍ଡ ଭିସା ବ୍ରାଣ୍ଡ୍ର ପ୍ରତିଶ୍ରୁତି, ବିଶ୍ୱାସ ଏବଂ ବିଶ୍ୱସ୍ତରୀୟ ସ୍ୱୀକୃତି ଦ୍ୱାରା ସମର୍ôଥତ ଅନନ୍ୟ ସୁବିଧା ଏବଂ ଅତୁଳନୀୟ ଅନୁଭୂତି ପ୍ରଦାନ କରୁଛି। ଆମର ବିଶ୍ୱାସ ରହିଛି ଯେ ଏହି ଅଫର ପ୍ରତ୍ୟେକ ମୁହୂର୍ତର ଆମର କାର୍ଡଧାରୀଙ୍କ ଆଶାକୁ ବଢ଼ାଇବ ଏବଂ ଅତିକ୍ରମ କରିବ।’’
