ପୁରୀ ଗଣ୍ଡଗୋଳରେ ୨୩ ଗିରଫ

ପୁରୀ ଗଣ୍ଡଗୋଳରେ ପୁଲିସ ଆଜି ଆଉ ୧୨ଜଣଙ୍କୁ ଗିରଫ କରିଛି । ଏହା ପୁର୍ବରୁ ୧୧ଜଣ ଗଣ୍ଡଗୋଳକାରୀଙ୍କୁ ଗିରଫ କରାଯାଇଥିଲା । ବର୍ତମାନସୁଧା ମୋଟ ଗିରଫ ସଂଖ୍ୟା ୨୩ରେ ପହଂଚିଛି । ଧାଡ଼ି ଦର୍ଶନକୁ ନେଇ ପୁରୀ ବନ୍ଦ ବେଳେ ଘଟିଥିବା ଲଙ୍କାକାଣ୍ଡ ଘଟଣାରେ ଆଉ ୧୨ ଜଣଙ୍କୁ ଗିରଫ କରିଛି ସିଂହଦ୍ୱାର ଥାନା ପୁଲିସ୍। ଗିରଫ ଅଭିଯୁକ୍ତଙ୍କ ମଧ୍ୟରେ କିଛି ଗୁମାସ୍ତା ଥିବା ସୂଚନା ମିଳିଛି।ପୂର୍ବରୁ ଟାଉନ ଥାନା ପୁଲିସ୍ ୧୧ ଜଣଙ୍କୁ ଗିରଫ କରିଥିଲା।
ଶ୍ରୀମନ୍ଦିରରେ ଧାଡ଼ି ଦର୍ଶନକୁ ବିରୋଧ କରି ଗତ ୩ ତାରିଖରେ ପୁରୀରେ ବନ୍ଦ ପାଳନ ବେଳେ ଲଙ୍କାକାଣ୍ଡ ଘଟିଥିଲା।
ବନ୍ଦ ବେଳେ ସହରରେ ବ୍ୟାପକ ଭଙ୍ଗାରୁଜା ଓ ଜଳାପୋଡ଼ା କରିଥିଲେ ଆନ୍ଦୋଳନକାରୀ।
ଗଣ୍ଡଗୋଳକାରୀମାନେ ମନ୍ତ୍ରୀ ମହେଶ୍ୱର ମହାନ୍ତିଙ୍କ ବାସଭବନ, ଶ୍ରୀମନ୍ଦିର କାର‌୍ୟ୍ୟାଳୟ, ସୂଚନା କେନ୍ଦ୍ର ଓ ପୁରୀ ଟାଉନ୍ ଥାନାରେ ବହୁ ସରକାରୀ ସମ୍ପତ୍ତି ନଷ୍ଟ କରିବା ସହ ଲୁଟପାଟ୍ କରିଥିବା ଅଭିଯୋଗ ହୋଇଥିଲା।
.