ସାଂସ୍କୃତିକ କାର୍ଯ୍ୟକ୍ରମକୁ ମିଳିଲା ଅନୁମତି

ଭୁବନେଶ୍ୱର: କରୋନା କଟକଣା ଯୋଗୁଁ ଦୀର୍ଘ ୨ ବର୍ଷ ହେବ ବନ୍ଦ ରହିଛି ସାଂସ୍କୃତିକ କାର୍ଯ୍ୟକ୍ରମ । କରୋନା କଟକଣା କାରଣରୁ ରାଜ୍ୟରେ ବନ୍ଦ ରହିଥିବା ସମସ୍ତ ପ୍ରକାରର ସାଂସ୍କୃତିକା କାର୍ୟ୍ୟକ୍ରମକୁ ଅନୁମତି ମିଳିଛି। ଦୁଇବର୍ଷ ହେବ ବନ୍ଦ ରହିଥିଲା ସମସ୍ତ ପ୍ରକାରର ସାଂସ୍କୃତିକ କାର୍ୟ୍ୟକ୍ରମ। ରାଜ୍ୟ ସରକାରଙ୍କର ଅନୁମତି ପରେ ଏବେ କଳାକାରଙ୍କ ଏବଂ ଦର୍ଶକଙ୍କ ମନରେ ଖୁସିର ଲହରି। ୨୦ତାରିଖରୁ ରାଜ୍ୟରେ ସାଂସ୍କୃତି କାର୍ୟ୍ୟକ୍ରମ, ଯାତ୍ରା, ଅପେରାକୁ, ମୁକ୍ତାକାଶ ରଙ୍ଗମଞ୍ଚ ଓ ପଥପ୍ରାନ୍ତକୁ ଅନୁମତି ଦିଆଯାଇଛି। ସ୍ଥାନୀୟ ପ୍ରଶାସନ ଅନୁମତିରେ ଖୋଲିବ ଯାତ୍ରା ଓ ଅପେରା।

କରୋନା କଟକଣାକୁ ଅବଲମ୍ବନ କରି କରାଯିବ ସାଂସ୍କୃତିକ କାର୍ୟ୍ୟକ୍ରମ। ତେବେ ଯାତ୍ରା ଓ ଅପେରାରେ ୨ହଜାରରୁ ଅଧିକ ଲୋକ ହୋଇପାରିବେ ନାହିଁ ବୋଲି ସରକାରଙ୍କର ନିର୍ଦ୍ଦେଶ ରହିଛି। ଯଦି ୨ ହଜାରରୁ ଅଧିକ ଲୋକ ଏକାଠି ହୁଅନ୍ତି ତେବେ ସଙ୍ଗେ ସଙ୍ଗେ ସେହି ସ୍ଥାନକୁ ସିଲ କରିଦିଆଯିବ। ଏହି ସବୁ କାର୍ୟ୍ୟକ୍ରମରେ ମାସ୍କ ଓ ସାମାଜିକ ଦୂରତା ବାଧ୍ୟତା ମୂଳକ କରାଯାଇଛି।

ତେବେ ସାଂସ୍କୃତିକ କାର୍ୟ୍ୟକ୍ରମ ପାଇଁ ଅନେକ ସମୟରେ ଟିକେଟ କାଉଣ୍ଟରରେ ଟିକେଟ ବିକ୍ରି ସମୟରେ ଅଧିକ ଗହଳି ହୋଇଥାଏ । ସେଥିପାଇଁ ଚଳିତ ଥର ଟିକେଟ୍ କାଉଣ୍ଟର ବଦଳରେ ଅନଲାଇନ୍ ମାଧ୍ୟମରେ ଟିକେଟ୍ ବିକ୍ରି କରିବାକୁ ପରାମର୍ଶ ଦିଆଯାଇଛି। ସେହିପରି ୫୦% ଦର୍ଶକରେ ଖୋଲିବ ସିନେମା ହଲ ଓ ଥିଏଟରେ।