ପୁଣି ଓଡିଶାରେ ଶାହା

ମୟୂରଭଞ୍ଜ()  ମୟୂରଭଞ୍ଜ ମୋରଡାରେ ଆୟୋଜିତ ବିଜୟ ସଂକଳ୍ପ ସମାବେଶରେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା ରାଜ୍ୟ ସରକାରଙ୍କ ଉପରେ ବର୍ଷିଛନ୍ତି । ଶାହା କହିଛନ୍ତି, ସାରା ଦେଶରେ ଏବେ ମୋଦି ହାୱା ଚାଲିଛି । ରାଜ୍ୟ ସରକାର କେନ୍ଦ୍ରୀୟ ଯୋଜନା ଲାଗୁ ନକରି ଓଡିଶାବାସୀଙ୍କ କ୍ଷତି କରୁଥିବା ଦର୍ଶାଇ ଶାହା କହିଛନ୍ତି , ବିଜେପି ରାଜ୍ୟରେ ସରକାର ଗଢିଲେ ଆୟୁଷ୍ମାନ ଯୋଜନା ଲାଗୁ ହେବ । ଏହା ସହ ସେ ପଦ୍ମ ଚିହ୍ନରେ ଭୋଟ୍ ଦେବାକୁ ଆହ୍ବାନ କରିବା ସହ ଏବେର ରାଜ୍ୟ ସରକାରକୁ ଓପାଡି ଫିଙ୍ଗି ଦେବାକୁ ପୁଣି ଥରେ କହିଛନ୍ତି ।ଏହି ସଭାରେ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ସହ ବହୁ ବରିଷ୍ଠ ବିଜେପି ନେତା, ଦଳୀୟ ପ୍ରାର୍ଥୀ ଉପସ୍ଥିତ ଥିଲେ ।