ହେଲମେଟ୍ ପାଇଁ ହଜାରେ ଗଣିଲେ ମନ୍ତ୍ରୀ ଓ ବିଧାୟକ
ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ ଓ ବିଧାୟକ ସ୍ୱରୁପ ଦାସଙ୍କୁ ଧରିଲା ଟ୍ରାଫିକ୍ ପୋଲିସ । ବିନା ହେଲ୍ମେଟ୍ରେ ବାଇକ୍ରେ ଉଭୟ ଯାଉଥିବାରୁ ଜିରିମାନା ଗଣିଛନ୍ତି ବୋଲି ସୂଚନା ମିଳିଛି । ବାଇକ୍ ମାଲିକଙ୍କ ନାଁରେ କଟାହେଲା ଚାଲାଣ । ଫାଇନ୍ ଦେଲେ ବିଧାୟକ । ବାଲେଶ୍ୱର ହେମକାପଦା ଛକରେ ହେଲମେଟ୍ ଯାଞ୍ଚ ବେଳେ ଧରାପଡ଼ିଲେ । ମନ୍ତ୍ରୀଙ୍କ ପଛରେ ବସାଇ ବାଇକ୍ ଚଲାଉଥିଲେ ବିଧାୟକ ସ୍ୱରୁପ ଦାସ । ବିଭିନ୍ନ ସ୍କୁଲ୍କୁ ଯାଞ୍ଚ ପାଇଁ ଯିବା ସମୟରେ ଟ୍ରାଫିକ୍ରେ ଧରାପଡ଼ିଥିଲେ । ବାଇକ୍ ମାଲିକଙ୍କ ନାଁରେ ୧ ହଜାର ଚାଲାଣ କାଟିଥିଲା ଟ୍ରାଫିକ୍ ପୋଲିସ । ପରେ ଟ୍ରାଫିକ୍ ଥାନାରେ ପହଞ୍ଚି ୧ ହଜାର ଫାଇନ୍ ଦେଇଥିଲେ ବିଧାୟକ ।
