ଆସନ୍ତୁ ଜାଣିବା ଏହି ମନ୍ଦିର ବିଷୟରେ କିଛି ରୋଚକ ତଥ୍ୟ
ଧର୍ମ ଗ୍ରନ୍ଥରେ ଯମରାଜଙ୍କୁ ନ୍ୟାୟର ଦେବତା କୁହାଯାଏ। ମୃତ୍ୟୁ ପରେ, ଯମରାଜ ସମସ୍ତ ପ୍ରାଣୀଙ୍କର ଭଲ-ଖରାପ କାର୍ଯ୍ୟର ହିସାବ କରନ୍ତି। ଆମ ଦେଶରେ ଯମରାଜଙ୍କର ଅନେକ ମନ୍ଦିର ଅଛି, ସେଥିମଧ୍ୟରୁ କେତେକ ଅତି ପ୍ରାଚୀନ ଏବଂ ଅନେକ ବିଶ୍ୱାସ ମଧ୍ୟ ତାହା ସହିତ ଜଡିତ। ଏହିପରି ଗୋଟିଏ ମନ୍ଦିର ହିମାଚଳ ପ୍ରଦେଶର ଚମ୍ବା ଜିଲ୍ଲାର ଭରମୌରରେ ଅବସ୍ଥିତ। ଭାଇ ଦୂଜ ପର୍ବରେ ଏଠାରେ ଯମରାଜଙ୍କ ପୂଜା ବିଶେଷ ଭାବରେ କରାଯାଇଥାଏ । ପ୍ରତ୍ୟେକ ଦିନ ଏଠାରେ ଭକ୍ତଙ୍କ ଭିଡ ଲାଗିଥାଏ।
ପୌରାଣିକ ମାନ୍ୟତା ଅନୁଯାୟୀ, ହିମାଚଳ ପ୍ରଦେଶରେ ଅବସ୍ଥିତ ଯମରାଜଙ୍କ ଏହି ମନ୍ଦିର ଅତ୍ୟନ୍ତ ସ୍ୱତନ୍ତ୍ର। କୁହାଯାଏ, ଏହି ମନ୍ଦିରର ଚାରି ଦିଗରେ ଚାରୋଟି ଦ୍ୱାର ରହିଛି, ଯାହା ଅଦୃଶ୍ୟ। ଏହା ମଧ୍ୟ କୁହାଯାଏ ଯେ ଏହି ଦ୍ୱାରଗୁଡ଼ିକ ସୁନା, ରୂପା, ତମ୍ବା ଏବଂ ଲୁହାରେ ନିର୍ମିତ। ଏହି ମନ୍ଦିରକୁ ଯମରାଜଙ୍କ ଦରବାର ଭାବରେ ବିବେଚନା କରାଯାଇଛି । ପୃଥିବୀରେ ଯେବେ କୌଣସି ମଣିଷର ମୃତ୍ୟୁ ହୁଏ, ଯମଦୂତମାନେ ତାର ଆତ୍ମାକୁ ପ୍ରଥମେ ଏହି ମନ୍ଦିରକୁ ଆଣନ୍ତି। ଏଠାରେ ଚିତ୍ରଗୁପ୍ତ ପ୍ରଥମେ ସେହି ବ୍ୟକ୍ତିର ଭଲ ଖରାପ କାର୍ଯ୍ୟକୁ ଗଣନା କରନ୍ତି ଏବଂ ସେହି ଆଧାରରେ ଆତ୍ମା ସ୍ୱର୍ଗ କିମ୍ବା ନର୍କକୁ ପଠାଯାଏ।
ବିଶ୍ୱାସ ଅନୁଯାୟୀ, କର୍ମ ଆଧାରରେ, ୪ ଟି ଦ୍ୱାର ମଧ୍ୟରୁ ଯେକୌଣସି ଗୋଟିଏ ଦ୍ୱାରରେ ଆତ୍ମାକୁ ପଠାଯାଏ। ଯେଉଁମାନେ ଭଲ କାମ କରନ୍ତି, ସେମାନଙ୍କର ଆତ୍ମା ସୁବର୍ଣ୍ଣ ଦ୍ୱାର ଏବଂ ଯେଉଁମାନେ ଖରାପ କାର୍ଯ୍ୟ କରନ୍ତି, ସେମାନଙ୍କର ଆତ୍ମା ଲୁହା ଫାଟକ ଦେଇ ଯାଇଥାଏ। ଅନ୍ୟ ଦୁଇଟି ଦ୍ୱାର ମଧ୍ୟ କର୍ମ ଆଧାରରେ ସ୍ଥିର ହୋଇଥାଏ।
