ଦୀପାବଳିରେ ଦିଲ୍ଲୀ ତୁଳନାରେ ଭୁବନେଶ୍ୱର ବାୟୁର ଗୁଣବତା ଖରାପ

ଭୁବନେଶ୍ୱର : ଦୀପାବଳିର ବାୟୁ ଗୁଣବତା ଉପରେ ପ୍ରଭାବକୁ ନେଇ ପରିବେଶବିତଙ୍କ ଚିନ୍ତା ବଢ଼ୁଥିବା ବେଳେ ବାଣ ନିୟନ୍ତ୍ରଣ ପାଇଁ କର୍ତୃପକ୍ଷ ଓ କେତେକ ନାଗରିକ ସଙ୍ଗଠନ ଉଦ୍ୟମ ଜାରି ରଖିଛନ୍ତି । ଏହା ଦୀପାବଳିର ପରିବେଶ ପ୍ରଭାବକୁ ହ୍ରାସ କରିବାରେ ଜାରି ରହିଥିବା ଆହ୍ୱାନକୁ ସୂଚାଉଛି ଏବଂ ପର୍ବପର୍ବାଣୀ ଉତ୍ସବ ସମୟରେ ବାୟୁ ଗୁଣବତା ସମସ୍ୟାର ସମାଧାନ ପାଇଁ ନିରନ୍ତର ପ୍ରୟାସର ଆବଶ୍ୟକତା ଉପରେ ଗୁରୁତ୍ୱାରୋପ କରୁଛି ।
ସିପିସିବି ରେକର୍ଡରୁ ଦୀପାବଳି ପୂୂର୍ବର ତଥ୍ୟକୁ ଆଧାର କରି ଏକ ପୂର୍ବ ଅଧ୍ୟୟନରେ ସ୍ୱିଚଅନର ଗବେଷକ ଦଳ ଆକଳନ କରିଥିଲେ ଯେ ଯଦି ପାରମ୍ପରିକ ବାଣ ବ୍ୟବହାର ସମ୍ପୂର୍ଣ୍ଣ ବନ୍ଦ କରାନଯାଏ ଏବଂ ସବୁଜ ବାଣର ବ୍ୟବହାର ଯଥେଷ୍ଟ ହ୍ରାସ ନ ହୁଏ ଏବଂ କେବଳ ନିର୍ଦ୍ଧାରିତ ସମୟ ମଧ୍ୟରେ ରଖାଯାଏ, ତେବେ ଦୀପାବଳି ରାତିରେ ଭୁବନେଶ୍ୱର ଏକ ଖରା ସହରରେ ପରିଣତ ହୋଇପାରେ, ଯାହା ଦ୍ୱାରା ବାୟୁର ଗୁଣବତା ନିଶ୍ୱାସ ନେବା ପାଇଁ ଅତ୍ୟନ୍ତ ପ୍ରତିକୂଳ ହୋଇପାରେ । ପରେ ନଭେମ୍ବର ୯ରୁ ୧୩ ତାରିଖ ମଧ୍ୟରେ ପଟିଆ ଓ ଲିଙ୍ଗରାଜ ମନ୍ଦିରରେ ମୂତୟନ ସିପିସିବି ମନିଟର ତଥ୍ୟ ଯାଞ୍ଚ କରିବା ପରେ ଦୀପାବଳି ପାଳନର ଶିକାର ହୋଇଥିବା ସହରରେ ବାୟୁ ଗୁଣବତା ସୂଚକାଙ୍କ (ଏକ୍ୟୁଆଇ) ହ୍ରାସ କୁ ନେଇ ଉଦବେଗ ପ୍ରକାଶ ପାଇବା ଭଳି ଏକ ପ୍ରତିକୂଳ ଦୃଶ୍ୟ ସାମ୍ନାକୁ ଆସିଛି ।
୧. ତଥ୍ୟ ଅନୁଯାୟୀ ଦୀପାବଳି ପୂର୍ବରୁ ଓ ପରବର୍ତୀ ସମୟରେ ପାଂଚ ଦିନ ଧରି ବାୟୁର ଗୁଣବତା କ୍ରମାଗତ ଭାବେ \’ମଧ୍ୟମ\’ ବର୍ଗରୁ \’ଅତି ଖରା\’ ବର୍ଗକୁ ଖସି ଆସୁଛି ।
୨. ଲିଙ୍ଗରାଜ ମନ୍ଦିରର ସିପିସିବି ଷ୍ଟେସନରେ ନଭେମ୍ବର ୧୩ ତାରିଖରେ ବାୟୁର ଗୁଣବତା ସବୁଠାରୁ ଖରାପ ରହିଥିଲା, ଯାହାର ଏକ୍ୟୁଆଇ ୩୮୯ ଥିବା ବେଳେ ଟିଆ ଷ୍ଟେସନରେ ସାମାନ୍ୟ କମ୍ କିନ୍ତୁ ଏବେ ବି ୩୭୧ ର ଏକ୍ୟୁଆଇ ରହିଛି । ଉଭୟ ଷ୍ଟେସନ ସହରରେ \”ଅତ୍ୟନ୍ତ ଖରା\” ବାୟୁ ଗୁଣବତା ସ୍ତରକୁ ସୂଚାଇଥାଏ ।
୩. ଗୋଟିଏ ଦିନ ମଧ୍ୟରେ ନଭେମ୍ବର ୧୨ ଓ ୧୩ ତାରିଖରେ ପଟିଆ ଓ ଲିଙ୍ଗରାଜ ମନ୍ଦିର ଷ୍ଟେସନରେ ଏକ୍ୟୁଆଇରେ ୬୦.୬୧% ଏବଂ ୩୪.୬୦% ବୃଦ୍ଧି ରେକର୍ଡ କରାଯାଇଛି, ଯାହା ଦୀପାବଳି ପୂର୍ବ ସମୟରେ ସହରର ବାୟୁ ଗୁଣବତାରେ ଦ୍ରୁତ ହ୍ରାସକୁ ପ୍ରତିଫଳିତ କରୁଛି ।
ଦୀପାବଳି ଅବଧି ମଧ୍ୟରେ ଶରତ ଋତୁର ଶେଷ ଭାଗରେ ସହରର ପରିସ୍ଥିତିରେ ଉଲ୍ଲେଖନୀୟ ପରିବର୍ତନ ଦେଖିବାକୁ ମିଳିଛି । ବାୟୁର ଗୁଣବତା ହ୍ରାସ ପାଇବାର ପ୍ରଚଳିତ କାରଣ ବେଆଇନ ବାଣ ବ୍ୟବହାରର ବାସ୍ତବ ପ୍ରମାଣକୁ ଦାୟୀ କରାଯାଇଛି । ବାଣ ନିଷ୍କାସନ ଅବଧିକୁ ନେଇ ଭୁବନେଶ୍ୱରରେ ଗମ୍ଭୀର ସମସ୍ୟା ନଥିବା କୁହାଯାଉଥିବା ବେଳେ ମାନ୍ୟବର ସର୍ବୋଚ୍ଚ ନ୍ୟାୟାଳୟଙ୍କ ଦ୍ୱାରା ଧାର୍ଯ୍ୟ ନିର୍ଦ୍ଦେଶାବଳୀକୁ ସହରବାସୀ ପାଳନ କରୁନଥିବା ଚିନ୍ତାଜନକ ତଥ୍ୟ ସାମ୍ନାକୁ ଆସିଛି । ଫଳରେ ଆଗାମୀ ଦିନରେ ନାଗରିକମାନେ ଅତ୍ୟଧିକ ପ୍ରଦୂଷିତ ବାୟୁ ସହିବେ, ଯାହା ପରିବେଶ ପାଇଁ ଏକ ବଡ଼ ଚ୍ୟାଲେଞ୍ଜ ସୃଷ୍ଟି କରିବ ବୋଲି ଆଶଙ୍କା ପ୍ରକାଶ ପାଇଛି ।
ସୁପାରିସ:
● ସିଏସଆଇଆର-ନିରି ୱେବ ପୋର୍ଟାଲ ଅନୁଯାୟୀ ବାଣରୁ ବାୟୁ ପ୍ରଦୂଷଣକୁ ଅତି କମରେ ୩୦% ହ୍ରାସ କରିବା ପାଇଁ ସରକାର ଏବଂ କର୍ତୃପକ୍ଷ କେବଳ ଦୀପାବଳି ଏବଂ ଅନ୍ୟାନ୍ୟ ପର୍ବପର୍ବାଣୀ ପୂର୍ବରୁ ସବୁଜ ବାଣ ଦ୍ୱାରା ବଜାର ସନ୍ତୁଳନ ସୁନିଶ୍ଚିତ କରିବା ଉଚିତ, ପାରମ୍ପରିକ ବାଣ ଉତ୍ପାଦନ, ଯୋଗାଣ, ବିକ୍ରୟ ଏବଂ କ୍ରୟ ପାଇଁ କୌଣସି ସ୍ଥାନ ନଥାଏ ।
● ବାଣର ଅନଧିକୃତ ବ୍ୟବହାର ଏବଂ ନିର୍ଦ୍ଦିଷ୍ଟ ସମୟସୀମା ଉଲ୍ଲଂଘନ ଅଭିଯୋଗରେ କେବଳ ହାତଗଣତି ଲୋକଙ୍କୁ ଗିରଫ କରାଯାଇଥିବାରୁ କଠୋର ଆଇନ ପ୍ରଣୟନ ଜରୁରୀ ଅଟେ । ଦୀପାବଳି ରାତିରେ ବାଣ ଫୁଟିବାର ପ୍ରକୃତ ଗମ୍ଭୀରତା ସହ ଏହି ସଂଖ୍ୟା ମେଳ ଖାଉନାହିଁ ।
● ନାଗରିକମାନଙ୍କୁ ନ୍ୟାୟିକ ନିୟମକୁ ଆନ୍ତରିକତାର ସହ ପାଳନ କରିବାକୁ ପଡିବ, କାରଣ ଏହାକୁ ପାଳନ ନ କରିବା ଅଦାଲତଙ୍କ ନିର୍ଦ୍ଦେଶର ଉଲ୍ଲଂଘନ ବୋଲି ବିବେଚନା କରାଯାଇପାରେ । ଏଭଳି ଉଲ୍ଲଂଘନ ଅଦାଲତକୁ ହସ୍ତକ୍ଷେପ କରିବାର କ୍ଷମତା ପ୍ରଦାନ କରିଥାଏ, ଯାହା ସମ୍ଭବତଃ କାର୍ଯ୍ୟକ୍ରମକୁ ସ୍ଥଗିତ ରଖିଥାଏ ଏବଂ ଲକ୍ଷ ଲକ୍ଷ ଲୋକଙ୍କ ଭାବନାକୁ ପ୍ରଭାବିତ କରିପାରେ ।
ସୁଇଚଅନ ଫାଉଣ୍ଡେସନର ରିଚାଳନା ନିର୍ଦ୍ଦେଶକ ବିନୟ ଜାଜୁ କହିଛନ୍ତି, ଦୀପାବଳି ଅବସରରେ ଭୁବନେଶ୍ୱରର ବାୟୁଗୁଣବତା ଦିଲ୍ଲୀ ଠାରୁ ଖରା ହେବା ଅତ୍ୟନ୍ତ ଆଶ୍ଚର୍ଯ୍ୟଜନକ ଥିଲା । ଦୀପାବଳି ର ଠିକ୍ ପୂର୍ବରୁ ଏବଂ ଦୀପାବଳି ପରେ ଭୁବନେଶ୍ୱରର ବାୟୁଗୁଣବତା ଅତ୍ୟନ୍ତ ଖରା ହେବା ଆମେ କ୍ରମାଗତ ଭାବରେ ଦେଖୁଛୁ । ଭୁବନେଶ୍ୱରବାସୀଙ୍କୁ ତୁରନ୍ତ ଏଥିପ୍ରତି ଅଧିକ ଧ୍ୟାନ ଦେବାକୁ ପଡ଼ିବ ଏବଂ ଭୁବନେଶ୍ୱରକୁ ସ୍ୱଚ୍ଛ ଓ ସବୁଜ ସହର ଭାବେ ରଖିବାକୁ ହେବ ବୋଲି ଆମେ ସମସ୍ତେ ଜାଣିଛୁ । ସ୍ୱଚ୍ଛ ବାୟୁ ସୁନିଶ୍ଚିତ କରିବା ପାଇଁ ସ୍ଥାୟୀ ଅଭ୍ୟାସ ଗ୍ରହଣ କରିବା ଜରୁରୀ ।