ୟୁପିଆଇରେ ରୁପେ କ୍ରେଡିଟ୍ କାର୍ଡ: ଦୈନନ୍ଦୀନ ପେମେଂଟ୍ର ସରଳୀକରଣ
ଭୁବନେଶ୍ୱର: ୟୁପିଆଇ ସହିତ ରୁପେ କ୍ରେଡିଟ୍ କାର୍ଡର ସମନ୍ୱୟ, ଭରତରେ ଡିଜିଟାଲ୍ ପେମେଂଟ୍ ଦୃଶ୍ୟପଟ୍ଟରେ ରୂପାନ୍ତରଣ ଆଣିଛି। ଏହା ବ୍ୟବହାରକାରୀମାନଙ୍କୁ କାର୍ଡ ବିନା ପେମେଂଟ୍ କରିବାର ସ୍ୱାଧୀନତା ପ୍ରଦାନ କରୁଛି। କାର୍ଡ ଲିଙ୍କ କରିବା ଅତ୍ୟନ୍ତ ସହଜ। ୟୁପିଆଇ ସୁବିଧା ଥିବା ଆପ୍ ଜରିଆରେ ତାହା କରାଯାଇପାରିବ।
ୟୁପିଆଇ ସହିତ ରୁପେ କ୍ରେଡିଟ୍ କାର୍ଡକୁ ଯୋଡ଼ିବା ପାଇଁ ପ୍ରଥମେ ଏକ ୟୁପିଆଇ ସକ୍ଷମ ଆପ୍ ଡାଉନ୍ଲୋଡ୍ କରନ୍ତୁ। ଏହା ପରେ ନିଜ ବ୍ୟାଙ୍କ ସହିତ ଯୋଡ଼ି ହୋଇଥିବା ମୋବାଇଲ୍ ନମ୍ବର ଜରିଆରେ ପଞ୍ଜୀକରଣ କିମ୍ବା ଲଗ୍ ଇନ୍ କରି ପ୍ରୋଫାଇଲ୍ ସେକ୍ସନ୍ରେ “ଖାତା ଯୋଡ଼ିବା’ ବିକଳ୍ପ ଚୟନ କରନ୍ତୁ। ଏହାପରେ ଆପଣଙ୍କୁ କ୍ରେଡିଟ୍ କାର୍ଡ ଜାରି କରିଥିବା ବ୍ୟାଙ୍କ ଚୟନ କରନ୍ତୁ, ନିଜର ରୁପେ କ୍ରେଡିଟ୍ କାର୍ଡ ଚୟନ କରି ଭେରିଫିକେସନ୍ ପ୍ରକ୍ରିୟା ଶେଷ କରନ୍ତୁ। ଏହା ପରେ ୟୁପିଆଇ ପିନ୍ ଦିଅନ୍ତୁ। ଏହି କାର୍ଯ୍ୟ ଶେଷ ହେବା ପରେ ଆପଣ ନିରବଚ୍ଛିନ୍ନ କାରବାର କରିପାରିବେ।
ଏତଦ୍ ବ୍ୟତୀତ, ରୁପେ କ୍ରେଡିଟ୍ କାର୍ଡକୁ ଆପଣ ୟୁପିଆଇ ପେମେଂଟ୍ ଗ୍ରହଣ କରୁଥିବା ବ୍ୟବସାୟୀଙ୍କ ପାଖରେ ବ୍ୟବହାର କରିପାରିବେ। ଏହାକୁ କିରାନା ଦୋକାନ, ରାସ୍ତାକଡ଼ ଦୋକାନ, ସ୍ଥନୀୟ ଦୋକାନ ଓ ବଡ଼ ପ୍ରତିଷ୍ଠାନରେ ମଧ୍ୟ ପାରମ୍ପରିକ ପଏଂଟ୍ ଅଫ ସେଲ୍ ଟର୍ମିନାଲ୍ ନଥିଲେ ମଧ୍ୟ ବ୍ୟବହାର କରିହେବ।
ବ୍ୟବହାରକାରୀମାନେ କ୍ୟାସ୍ବ୍ୟାକ୍, ରିୱାର୍ଡ ଓ ସ୍ୱତନ୍ତ୍ର ଅଫର ଆଦି ଗ୍ରୋସରି, ଇନ୍ଧନ କିଣିବା, ଡାଇନିଂ, ଅନଲାଇନ୍ ପେମେଂଟ୍ କରିବା ବେଳେ ପାଇପାରିବେ। ୟୁପିଆଇ ସହିତ ଲିଙ୍କ ହୋଇଥିବା ରୁପେ କ୍ରେଡିଟ୍ କାର୍ଡ ପାଇଁ ଅନେକ ବ୍ୟାଙ୍କ ଅତିରିକ୍ତ ସୁବିଧା ପ୍ରଦାନ କରୁଛନ୍ତି, ଯାହା କାରବାରକୁ ଆହୁରି ସୁଖଦ କରିଛି। କ୍ରେଡିଟ୍ କାର୍ଡ ଓ ଡେବିଟ୍ କାର୍ଡ କାରବାରକୁ ଗୋଟିଏ ସ୍ଥାନରେ ଦେଖି ହେଉଥିବାରୁ ଏହା ଆର୍ଥିକ ପରିଚାଳନାରେ ଉନ୍ନତି ଆଣିପାରିଛି ଏବଂ ବିଲ୍ ଓ ସବ୍ସ୍କ୍ରିପ୍ସନ୍ ପାଇଁ ସ୍ୱୟଂକ୍ରିୟ ପେମେଂଟ୍କୁ ଏହା ସହଜ କରିଛି। ବ୍ୟାଙ୍କ ଦ୍ୱାରା ନିର୍ଧାରଣ କରାଯାଇଥିବା ସୁଧ ମୁକ୍ତ ଅବଧି ଯାହା ୩୦ରୁ ୫୦ ଦିନ ରହିଛି, ତାହା ନଗଦ ପରିଚାଳନା କରିବାରେ ସହାୟକ ହୋଇଛି। ଏଥି ସହିତ ୟୁପିଆଇ ସହିତ ଏକ କ୍ରେଡିଟ୍ କାର୍ଡ ଯୋଡ଼ିବା କାର୍ଡ ବିବରଣୀ ଚୋରି ହେବା ଭଳି ନିରାପତା ବିପଦକୁ ଦୂର କରି ଠକେଇ ଆଶଙ୍କା କମ୍ କରୁଛି ଏବଂ ଅତିରିକ୍ତ ସୁରକ୍ଷା ପାଇଁ ଏଥିରେ ପୃଥକ ପିନ୍ ରହିଛି।
ଯଦିଓ ଏହା ଅନେକ ସୁବିଧା ପ୍ରଦାନ କରୁଛି, କିନ୍ତୁ ଦୃଢ଼ ୟୁପିଆଇ ପିନ୍ ଦାଖଲ କରିବା, କେବଳ ବିଶ୍ୱସନୀୟ ବ୍ୟବସାୟୀଙ୍କ ପାଖରେ କାରବାର କରିବା ଏବଂ ନିଜର ପଞ୍ଜୀକୃତ ମୋବାଇଲ୍ ନମ୍ବରକୁ ଅପ୍ଡେଟ୍ ରଖିବା ଭଳି ସୁରକ୍ଷା ପଦକ୍ଷେପ ଗ୍ରହଣ କରିବାକୁ ବ୍ୟବହାରକାରୀମାନଙ୍କୁ ପରାମର୍ଶ ଦିଆଯାଇଛି। ଭାରତ ଏକ କମ୍ ନଗଦ ଅର୍ଥନୀତି ଆଡ଼କୁ ଭାରତ ଅଗ୍ରସର ହେଉଥିବା ବେଳେ ୟୁପିଆଇରେ ରୁପେ କ୍ରେଡିଟ୍ କାର୍ଡ ଡିଜିଟାଲ କାରବାରକୁ ଉଭୟ ଗ୍ରାହକ ଓ ବ୍ୟବସାୟୀମାନଙ୍କ ପାଇଁ ଅଧିକ ସୁବିଧାଜନକ ଓ ଲାଭଦାୟକ କରିଛି।
