ପୂର୍ବ ଭାରତରେ ମୁଣ୍ଡପିଛା ବିଦ୍ୟୁତ୍ ବ୍ୟବହାର କ୍ଷେତ୍ରରେ ଓଡ଼ିଶା ପ୍ରଥମ: ସିଇଏର ସର୍ବଭାରତୀୟ ଶକ୍ତି ପରିସଂଖ୍ୟାନ ରିପୋର୍ଟ ୨୦୨୩
– ବିତରଣ ବ୍ୟବସାୟର ଘରୋଇକରଣ (୨୦୨୦) ପରଠାରୁ ମୁଣ୍ଡପିଛା ବିଦ୍ୟୁତ୍ ବ୍ୟବହାରରେ ୩୧% ବୃଦ୍ଧି
ଭୁବନେଶ୍ୱର: ବିଦ୍ୟୁତ ବଂଟନ ସଂସ୍କାର କାର୍ଯ୍ୟକାରୀ କରିବାରେ ଓଡ଼ିଶା ଅଗ୍ରଣୀ ଭାବେ ଉଭା ହୋଇଛି । ଗତ କିଛି ବର୍ଷ ମଧ୍ୟରେ ରାଜ୍ୟରେ ବିଜୁଳି ବଂଟନ ଓ ବ୍ୟବହାର ପଦ୍ଧତିରେ ବ୍ୟାପକ ପରିବର୍ତନ ଦେଖିବାକୁ ମିଳିଛି । ଶକ୍ତି ମନ୍ତ୍ରଣାଳୟର ବୈଧାନିକ ସଂସ୍ଥା କେନ୍ଦ୍ରୀୟ ବିଦ୍ୟୁତ ପ୍ରାଧିକରଣ (ସିଇଏ) ଏହାର “ସର୍ବଭାରତୀୟ ଶକ୍ତି ପରିସଂଖ୍ୟାନ ୨୦୨୩\’ ଶୀର୍ଷକ ବାର୍ଷିକ ରିପୋର୍ଟ ଅନୁସାରେ ୨୦୨୧-୨୨ରେ ମୁଣ୍ଡପିଛା ବିଦ୍ୟୁତ୍ ବ୍ୟବହାର କ୍ଷେତ୍ରରେ ଓଡ଼ିଶା ପୂର୍ବାଚଂଳରେ ପ୍ରଥମ ଏବଂ ଭାରତୀୟ ରାଜ୍ୟ ତାଲିକାରେ ତୃତୀୟ ସ୍ଥାନରେ ରହିଛି । ଗତବର୍ଷ ତୁଳନାରେ ଚଳିତ ମାନ୍ୟତା ଓଡ଼ିଶା ୪ଟି ସ୍ଥାନ ଉପରକୁ ଉଠିଛି । ଗତ ୩ ଆର୍ôଥକ ବର୍ଷରେ ରାଜ୍ୟରେ ମୁଣ୍ଡପିଛା ବିଦ୍ୟୁତ ବ୍ୟବହାର ୧୫୫୯ କିଲୋୱାଟ୍ରୁ ୨୨୬୪ କିଲୋୱାଟ୍କୁ ବୃଦ୍ଧି ପାଇଛି, ଯେଉଁଥିରେ ୩୧% ବୃଦ୍ଧି ଘଟିଛି ।
ଟାଟା ପାୱାର ସହ ଘରୋଇ ସରକାରୀ ସହଭାଗିତା ଜରିଆରେ ବଂଟନ କ୍ଷେତ୍ରର ଘରୋଇକରଣ ପାଇଁ ଓଡ଼ିଶା ରାଜ୍ୟ ସରକାରଙ୍କ ନିଷ୍ପତି ଉତ୍ସାହଜନକ ଫଳାଫଳ ଦେଖିବାକୁ ମିଳିଛି । ଏହା କେବଳ ରାଜ୍ୟରେ ଉଚ୍ଚ ସ୍ତରର ଶିଳ୍ପାୟନ ଏବଂ ସହରୀକରଣରେ ପ୍ରତିଫଳିତ ହୋଇନାହିଁ ବରଂ ଗ୍ରାମୀଣ ପରିବାରମାନଙ୍କ ପାଇଁ ଉନ୍ନତ “ବିଜୁଳି ସଂଯୋଗ ପାଇବାର ସହଜତା\’ରେ ଯଥେଷ୍ଟ ଉନ୍ନତି ଆଣିଛି ।
ଏଣିକି ସମ୍ଭାବ୍ୟ ଉପଭୋକ୍ତା ପଞ୍ଜୀକରଣ, କାଗଜପତ୍ର ଦାଖଲ, ଦେୟ ଓ ଯାଂଚ୍ ଏବଂ ମିଟର ସ୍ଥାପନ ଭଳି ୪ଟି ସରଳ ଉପାୟରେ ନୂଆ ସଂଯୋଗ ପାଇପାରିବେ । ଡିସକମ୍ଗୁଡ଼ିକ କେବଳ ସଂଯୋଗ ପ୍ରକ୍ରିୟାରେ ସମ୍ପୃକ୍ତ ପଦକ୍ଷେପଗୁଡ଼ିକୁ ହ୍ରାସ କରିନାହାଁନ୍ତି ବରଂ ସେମାନଙ୍କୁ ଡିଜିଟାଇଜ୍ ମଧ୍ୟ କରିଛନ୍ତି ଯାହା ପ୍ରକ୍ରିୟାକୁ ସରଳ କରିଛି ଏବଂ ଗ୍ରାହକଙ୍କ ଆନନ୍ଦକୁ ସୁନିଶ୍ଚିତ କରିଛି । ୨୦୨୦ ପରଠାରୁ ଡିସକମ୍ ଗୁଡ଼ିକ ସହରାଚଂଳ ଓ ଗ୍ରାମାଚଂଳ ଓଡ଼ିଶାରେ ମିଳିତ ଭାବେ ୧୦ ଲକ୍ଷରୁ ଅଧିକ ନୂତନ ସଂଯୋଗ ପ୍ରଦାନ କରିଛନ୍ତି ।
ନିକଟରେ ଓଇଆରସିର ଶୁଳ୍କ ଆଦେଶ ଅନୁଯାୟୀ ଓଡ଼ିଶାକୁ ସର୍ବନିମ୍ନ ଶିଳ୍ପ ଶୁଳ୍କ ଥିବା ରାଜ୍ୟମାନଙ୍କ ମଧ୍ୟରେ ପରିଣତ କରିବା ଏବଂ ରାଜ୍ୟ ସରକାରଙ୍କ “ଓଡ଼ିଶାରେ ପୁଞ୍ଜିନିବେଶ\’ ପାଇଁ ପ୍ରୋତ୍ସାହନ ଯୋଗୁଁ ଓଡ଼ିଶା ଶିଳ୍ପ ବିକାଶ ପାଇଁ ଏକ ଉଦ୍ୟୋଗ ଭାବେ ଉଭା ହୋଇଛି ଏବଂ ସଫଳତାର ସହ କୃଷିଭିତିକ ରାଜ୍ୟରୁ ଏକ ଶିଳ୍ପୋଦ୍ୟୋଗିକ ରାଜ୍ୟରେ ପରିଣତ ହୋଇଛି ।
ଘରୋଇକରଣ ପରଠାରୁ ଟିପି ଓଡ଼ିଶା ଡିସକମଗୁଡ଼ିକ ନେଟୱାର୍କ ବୃଦ୍ଧି ଏବଂ ବୈଷୟିକ ଏକୀକରଣରେ ପ୍ରାୟ ୩,୦୦୦ କୋଟି ଟଙ୍କା ବିନିଯୋଗ କରିଛନ୍ତି ଏବଂ ଆଗାମୀ କିଛି ବର୍ଷ ମଧ୍ୟରେ ୩,୦୦୦ କୋଟି ଟଙ୍କାରୁ ଅଧିକ ନିବେଶ ଜାରି ରଖିବେ । ସ୍କାଡା, ଜିଆଇଏସ, ଏସ୍ଏପି ସିଆର୍ଏମ୍, ଏଏମ୍ଆଇ ଭଳି ଜ୍ଞାନକୌଶଳର ସମନ୍ୱୟ ଏବଂ ପିଏସସିସି ପ୍ରତିଷ୍ଠା ମଧ୍ୟ ପିକ୍ ଲୋଡ୍ ସମୟରେ ଦକ୍ଷ ନେଟୱାର୍କ ଏବଂ ଗ୍ରାହକ ପରିଚାଳନାକୁ ଆଗେଇ ନେଇଛି । ଏହି ପୁଞ୍ଜି ବ୍ୟୟ ଦ୍ୱାରା ନେଟୱାର୍କର ବିଶ୍ୱସନୀୟତାରେ ଉନ୍ନତି ଘଟିଛି । ୩୩ କେଭି ଏବଂ ୧୧ କେଭି ଲାଇନର ଟ୍ରିପିଂ ହ୍ରାସ ପାଇଛି ଏବଂ ଏସ୍ଆଇଡିଆଇ (ସିଷ୍ଟମ ହାରାହାରି ବାଧା ଅବଧି ସୂଚକାଙ୍କ) ଏବଂ ଏସ୍ଆଇଏଫ୍ଆଇ (ସିଷ୍ଟମ୍ ହାରାହାରି ବାଧା ଅବଧି ସୂଚକାଙ୍କ) ସ୍କୋରରେ ଉଲ୍ଲେଖନୀୟ ଉନ୍ନତି ଘଟିଛି ।
ଯେହେତୁ ଅଧିକରୁ ଅଧିକ ଶିଳ୍ପ ପ୍ରତିଷ୍ଠା ହେଉଛି, ସେମାନେ ବିଦ୍ୟୁତ୍ ଯୋଗାଣ ପାଇଁ ଡସକମ୍ ଉପରେ ଅଧିକ ନିର୍ଭର କରୁଛନ୍ତି ଯାହା ଫଳରେ ବିଦ୍ୟୁତ ବ୍ୟବହାର ବୃଦ୍ଧି ପାଉଛି ।
ସମସ୍ତଙ୍କ ପାଇଁ ବିଜୁଳି ସୁନିଶ୍ଚିତ କରିବାରେ ନେଟୱାର୍କ ବୃଦ୍ଧି ଏବଂ ବ୍ୟାପକ ବିଦ୍ୟୁତୀକରଣ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛି । ବିଦ୍ୟୁତ୍ ଲାଇନ୍ର ସଂପ୍ରସାରଣ ଓ ଉନ୍ନତିକରଣ କରି ଡିସକମଗୁଡ଼ିକ କୌଣସି ଶୁଳ୍କ ବୃଦ୍ଧି ନକରି ବଢ଼ୁଥିବା ବିଦ୍ୟୁତ ଚାହିଦା ପୂରଣ କରିବା ସହ ଗ୍ରାହକଙ୍କ ପାଇଁ ସେବାର ଗୁଣବତା ରେ ଉନ୍ନତି ଆଣିବାକୁ ଲକ୍ଷ୍ୟ ରଖିଛନ୍ତି ।
ରାଜ୍ୟ ସମର୍ôଥତ ମେଗା ବିଦ୍ୟୁତୀକରଣ ଯୋଜନା ବ୍ୟତୀତ ଡିସକମଗୁଡ଼ିକ ବିଗତ ତିନି ବର୍ଷ ମଧ୍ୟରେ ୨,୧୮୧ ସର୍କିଟ୍ କିଲୋମିଟରରୁ ଅଧିକ ସର୍କିଟ୍ କିଲୋମିଟରର ନେଟୱାର୍କ ବିଛାଇ ନିଜର ଅବଦାନ ଦେଇଛନ୍ତି । ନେଟୱାର୍କକୁ ସୁଦୃଢ଼ କରିବା ପାଇଁ ୧୦,୦୦୦ରୁ ଅଧିକ ଟ୍ରାନ୍ସଫର୍ମର ସାମିଲ କରାଯାଇଛି ।
ପୁନରୁଦ୍ଧାର ପ୍ରକ୍ରିୟାକୁ ଗ୍ରାହକ ସେବା ମଧ୍ୟ ସରଳ କରିଛି ଯାହା ଫଳରେ ସହରାଚଂଳ ଏବଂ ଗ୍ରାମାଚଂଳରେ ଉପଭୋକ୍ତାଙ୍କ ଅନୁଭବରେ ଉନ୍ନତି ହୋଇଛି । ସାମଗ୍ରିକ ଭାବେ ଗ୍ରାହକଙ୍କ ସନ୍ତୁଷ୍ଟି ବଢ଼ାଇବା ଉପରେ ଗୁରୁତ୍ୱ ଦେଇ କମ୍ପାନି ସହରାଚଂଳରେ ଅନେକ ଗ୍ରାହକ ସେବା କେନ୍ଦ୍ର ଏବଂ ଗ୍ରାମାଚଂଳରେ ବିଦ୍ୟୁତ ସେବା କେନ୍ଦ୍ର (ବିଏସକେ) ନାମରେ ପରିଚିତ କଲ୍ ସେଂଟର ପ୍ରତିଷ୍ଠା କରିଛି । ଏହି ବିଏସକେ କେବଳ ଭୌତିକ ସ୍ପର୍ଶ ବିନ୍ଦୁ ଭାବରେ କାର୍ଯ୍ୟ କରେ ନାହିଁ ବରଂ ଯୋଗାଯୋଗ ବ୍ୟବଧାନକୁ ଦୂର କରିବା ଏବଂ ଏହି ଭୌଗୋଳିକ ଭାବରେ ବିସ୍ତାରିତ ଅଂଚଳରେ ଏକ ଉନ୍ନତ ଗ୍ରାହକ ଅଭିଜ୍ଞତା ସୁନିଶ୍ଚିତ କରିବା ପାଇଁ ଡିସକମୁଡ଼ିକର ପ୍ରତିବଦ୍ଧତାକୁ ସୂଚାଉଛି ।
ଯୋଗାଣକାରୀ ଏବଂ ସେବା ପ୍ରଦାନକାରୀଙ୍କଠାରୁ ଆରମ୍ଭ କରି ଠିକାଦାର ଏବଂ ସହାୟତା ସେବା ପର୍ଯ୍ୟନ୍ତ ଆମର ଦୈନନ୍ଦିନ କାର୍ଯ୍ୟ ସମ୍ପାଦନ କରିବା ଲାଗି ପରିଚାଳନା ଏବଂ ରକ୍ଷଣାବେକ୍ଷଣ ସେବାରେ ପରିବର୍ତନ କରାଯାଇଛି, ଯାହାଫଳରେ ପ୍ରଶ୍ନ ଏବଂ ଅଭିଯୋଗର ଶୀଘ୍ର ସମାଧାନ, ପରିଚାଳନାର ସୁଦୃଢ଼ୀକରଣ ହୋଇପାରିଛି ।
ଡିସକମ୍ ଦ୍ୱାରା ନିଆଯାଇଥିବା ଉପରୋକ୍ତ ସମସ୍ତ ପଦକ୍ଷେପ ଗତ ତିନି ବର୍ଷ ମଧ୍ୟରେ ମୁଣ୍ଡପିଛା ବିଦ୍ୟୁତ୍ ବ୍ୟବହାରରେ ୩୧% ବୃଦ୍ଧି ଆଣିବାରେ ସହାୟକ ହୋଇଛି ।
ସ୍ଥାନୀୟ ପ୍ରତିଭାଙ୍କୁ ପ୍ରୋତ୍ସାହିତ କରିବା ପାଇଁ ଡିସକମ୍ଗୁଡ଼ିକ ଗଭୀର ଭାବେ ପ୍ରତିଶ୍ରୁତିବଦ୍ଧ ଏବଂ ଓଡ଼ିଶାର ବହୁ ସଂଖ୍ୟକ ବ୍ୟକ୍ତିଙ୍କୁ ରୋଜଗାର ପ୍ରଦାନ କରିଛନ୍ତି ।
ସମସ୍ତଙ୍କୁ ୨୪ ଘଂଟିଆ ଗୁଣାତ୍ମକ ଏବଂ ସ୍ଥିର ବିଜୁଳି ଯୋଗାଣ ସୁନିଶ୍ଚିତ କରିବା ପାଇଁ ଓଡ଼ିଶା ସରକାର ଉତ୍ପାଦନ କ୍ଷମତା ବୃଦ୍ଧି, ଟ୍ରାନ୍ସମିସନ୍ ଏବଂ ବିତରଣ ଭିତିଭୂମିକୁ ସୁଦୃଢ଼ କରିବା ପାଇଁ ଶକ୍ତି କ୍ଷେତ୍ରରେ ଯଥେଷ୍ଟ ପୁଞ୍ଜିନିବେଶ କରୁଛନ୍ତି । ଆଜି ଓଡ଼ିଶା ବିଜୁଳି ନିଅଂଟିଆରୁ ବଳକା ରାଜ୍ୟରେ ପରିଣତ ହୋଇଛି ।
