ଟାଟା ଷ୍ଟିଲ୍ ଫାଉଣ୍ଡେସନ୍ ସହାୟତାରେ କଳିଙ୍ଗନଗର ପର୍ବତାରୋହଣ ଗ୍ରୁପ୍ର ନୂଆ ମାଇଲଖୁଂଟ ହାସଲ
ପର୍ବତାରୋହଣକୁ କ୍ରୀଡ଼ା ଭାବେ ପ୍ରୋତ୍ସାହିତ କରୁଛନ୍ତି ଯାଜପୁରର ଯୁବ ଗୋଷ୍ଠୀ
କଳିଙ୍ଗନଗର: ଓଡ଼ିଶାର ଯାଜପୁରର ଉତ୍ସାହୀ ଦୁଃସାହସିକ ଓ ପର୍ବତାରୋହଣ ଗୋଷ୍ଠୀ କଳିଙ୍ଗନଗର ପର୍ବତାରୋହଣ ଗ୍ରୁପ୍ (କେଏମ୍ଜି) ପକ୍ଷରୁ ଏପର୍ଯ୍ୟନ୍ତ ଅନେକ ଆକର୍ଷଣୀୟ ଦୁଃସାହସିକ ଓ ପର୍ବତାରୋହଣ କାର୍ଯ୍ୟକ୍ରମ ଆୟୋଜନ କରାଯାଇଛି, ଯେଉଁଥିରେ ପ୍ରାୟ ୮୦୦ ବ୍ୟକ୍ତି ଅଂଶଗ୍ରହଣ କରି ଦୁଃସାହସିକ ମନୋଭାବ ଏବଂ ଓଡ଼ିଶାର ଶିଖରର ଆକର୍ଷଣୀୟ ସୌନ୍ଦର୍ଯ୍ୟକୁ ପ୍ରଦର୍ଶିତ କରିଛନ୍ତି ।
ଟାଟା ଷ୍ଟିଲ୍ ଆଡ୍ଭେଂଚର ଫାଉଣ୍ଡେସନ୍ (ଟିଏସ୍ଏଏଫ୍) ସହଯୋଗରେ ମୌଳିକ ଓ ଉନ୍ନତ ପର୍ବତାରୋହଣ ପାଠ୍ୟକ୍ରମ ଶେଷ କରିଥିବା କଳିଙ୍ଗନଗରର ୧୨ ଜଣ ପ୍ରତିଭାବାନ ସ୍ଥାନୀୟ ଯୁବକଙ୍କୁ ନେଇ ଗଠିତ କେଏମ୍ଜି ଓଡ଼ିଶାର ଶିଖରର ଅବ୍ୟବହୃତ ସମ୍ଭାବନାକୁ ଉନ୍ମୋଚନ କରିବା, ଛାତ୍ରଛାତ୍ରୀଙ୍କ ମଧ୍ୟରେ ପର୍ବତାରୋହଣକୁ ପ୍ରୋତ୍ସାହିତ କରିବା ଏବଂ ଶିକ୍ଷା ମାଧ୍ୟମରେ ପରିବେଶ ସଂରକ୍ଷଣରେ ଯୋଗଦାନ କରିବା ପାଇଁ ଏକ ମିଳିତ ଦୃଷ୍ଟିକୋଣ ଦ୍ୱାରା ପରିଚାଳିତ ହୋଇଛି ।
ଏହି ୧୨ ଜଣିଆ ଦଳରେ ଓଡ଼ିଶାର ଯାଜପୁର ଜିଲ୍ଲାର ସୁକିନ୍ଦା ଓ ଦାନଗଦୀ ବ୍ଲକର ବ୍ୟକ୍ତିବିଶେଷ ରହିଛନ୍ତି । ଏହି ଟିମରେ ଆଦିବାସୀ ସମ୍ପ୍ରଦାୟର ୩ ଜଣ ମହିଳା ଓ ୪ ଜଣ ପୁରୁଷ ସଦସ୍ୟ ରହିଛନ୍ତି । ଯାହା ଏହି ଗୋଷ୍ଠୀକୁ ଅଲଗା କରିଥାଏ ତାହା ହେଉଛି ସେମାନଙ୍କର ଅତୁଟ ସମର୍ପଣ କାରଣ ସେମାନେ ପୂର୍ଣ୍ଣକାଳୀନ ଭିତିରେ ସେମାନଙ୍କର ଦୁଃସାହସିକ କାର୍ଯ୍ୟରେ ନିଜକୁ ସମର୍ପିତ କରିଛନ୍ତି ।
ଟାଟା ଷ୍ଟିଲ୍ ଫାଉଣ୍ଡେସନ୍ ସହଯୋଗରେ କେଏମ୍ଜି ଅନେକ ଆଉଟଡୋର ଲିଡରସିପ୍ କାର୍ଯ୍ୟକ୍ରମ ସଫଳତାର ସହ ଆୟୋଜନ କରି କଳିଙ୍ଗନଗର, ସୁକିନ୍ଦା, ବାମନିପାଳ, ଯୋଡା ଓ ମେରାମଣ୍ଡଳୀର ୫୩୮ ଜଣ ଯୁବକଙ୍କୁ ମୂଲ୍ୟବାନ ଦକ୍ଷତା ଓ ଅଭିଜ୍ଞତା ସହିତ ସଶକ୍ତ କରିଛି ।
କେଏମ୍ଜିର ଜଣେ ପ୍ରଶିକ୍ଷିକା ମଞ୍ଜୁଲତା ମହାନ୍ତି ତାଙ୍କ ପ୍ରେରଣାଦାୟକ ଯାତ୍ରା ବିଷୟରେ କହିଛନ୍ତି, \”ସାମାଜିକ କାର୍ଯ୍ୟ ହେଉଛି ମୋର ପ୍ୟାସନ୍ । ୨୦୧୫ରେ ଟିଏସ୍ଏଫ୍ର କାର୍ଯ୍ୟକ୍ରମ ମାଧ୍ୟମରେ କେଏମ୍ଜିରେ ଯୋଗଦେବା ମୋ ଭିତରେ ଉଭୟ ମାନସିକ ଏବଂ ଶାରୀରିକ ଭାବରେ ଏକ ଗଭୀର ପରିବର୍ତନ ଆଣିଥିଲା । ଦଳଗତ କାର୍ଯ୍ୟ ଏବଂ ନିର୍ଭୀକତାର ମୂଲ୍ୟ ଆବିଷ୍କାର କରି ମୁଁ ନିଜର ଅଭିଜ୍ଞତା ହାସଲ କରିଛି । ପର୍ବତ ଚଢ଼ିବା ମୋ ମନରେ ସ୍ଥିରତା ଏବଂ ଶାନ୍ତି ଆଣିଛି, ଯାହା ମୋତେ ଯେକୌଣସି ଚ୍ୟାଲେଞ୍ଜକୁ ଜିତିବା ପାଇଁ ସଶକ୍ତ କରିଛି । କେଏମ୍ଜିର ଅଂଶ ହେବା ଏବଂ ପ୍ରକୃତିର ଚମତ୍କାରରେ ନିଜକୁ ନିମଗ୍ନ କରିବାର ସୁଯୋଗ ପାଇଁ ମୁଁ ଆନ୍ତରିକ କୃତଜ୍ଞତା ଜଣାଉଛି ।
କଳିଙ୍ଗନଗର ପର୍ବତାରୋହଣ ଗ୍ରୁପ୍ ପ୍ରତିଷ୍ଠା ପୂର୍ବରୁ ଓଡ଼ିଶାର ବାସିନ୍ଦାଙ୍କୁ ପର୍ବତ ଚଢ଼ିବା ପାଇଁ ଅନ୍ୟ ରାଜ୍ୟକୁ ଯିବାକୁ ପଡ଼ୁଥିଲା । ତେବେ ଜାତୀୟ ସ୍ତରରେ ପ୍ରମାଣିତ ଅଭିଜ୍ଞ ପ୍ରଶିକ୍ଷକଙ୍କ ଏକ ଦଳକୁ ଏକାଠି କରି କେଏମଜି ଏହି ବ୍ୟବଧାନକୁ ଦୂର କରିଛି ।
ଟାଟା ଷ୍ଟିଲ୍ ଫାଉଣ୍ଡେସନ୍ ଏହି ସଂଗଠନ ପ୍ରତିଷ୍ଠା ପାଇଁ ସହାୟତା ଯୋଗାଇବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛି ।
କେଏମ୍ଜିର ଅନ୍ୟ ଜଣେ ପ୍ରଶିକ୍ଷକ ସୌମ୍ୟରଞ୍ଜନ ତାଙ୍କ ଭୂମିକାରେ ଗଭୀର ସନ୍ତୋଷ ବ୍ୟକ୍ତ କରି କହିଛନ୍ତି, “୨୦୧୭ରେ କେଏମଜିରେ ଯୋଗଦେବା ପରଠାରୁ ମୁଁ ଦେଖିଛି ଯେ ପିଲାମାନଙ୍କ ସମେତ ଅନେକ ବ୍ୟକ୍ତି ଶାରୀରିକ ଏବଂ ମାନସିକ ଶକ୍ତିର ପରିବର୍ତନଶୀଳ ତାଲିମ ନେଉଛନ୍ତି । ଟାଟା ଷ୍ଟିଲ୍ ଆଡଭେଂଚର ଫାଉଣ୍ଡେସନର ପର୍ବତାରୋହଣ କାର୍ଯ୍ୟକ୍ରମ ସହିତ ମୋର ସହଯୋଗ ମାଧ୍ୟମରେ ମୁଁ ଯେଉଁ ଦକ୍ଷତା ହାସଲ କରିଛି ତାହା ମୋତେ ଜଣେ ପ୍ରଶିକ୍ଷକ ଭାବରେ କାର୍ଯ୍ୟ କରିବାକୁ ସକ୍ଷମ କରିଛି । ମୁଁ ଏହି ସଂଗଠନ ସହିତ ଛଅ ବର୍ଷ ପାଳନ କରୁଥିବା ବେଳେ, ଏହି ଉଲ୍ଲେଖନୀୟ ପଦକ୍ଷେପର ଏକ ଅଂଶ ହୋଇଥିବାରୁ ମୁଁ କୃତଜ୍ଞ” ।
କେଏମ୍ଜିର ଯାତ୍ରା ଦୁଃସାହସିକତା, ଦୃଢ଼ତା ଏବଂ ପରିବେଶ ପରିଚାଳନା ପ୍ରତି ପ୍ରତିବଦ୍ଧତାର ଶକ୍ତିର ପ୍ରତୀକ । ପର୍ବତାରୋହଣ ପ୍ରତି ଭଲ ପାଇବା ସୃଷ୍ଟି କରି ଏବଂ ଓଡ଼ିଶାର ପ୍ରାକୃତିକ ଆଶ୍ଚର୍ଯ୍ୟକୁ ଅନୁସନ୍ଧାନ କରି କେଏମ୍ଜି କେବଳ ବ୍ୟକ୍ତିବିଶେଷଙ୍କ ଜୀବନକୁ ଆକାର ଦେଉନାହିଁ ବରଂ ପରିବେଶ ସଚେତନତାର ସଂସ୍କୃତି ମଧ୍ୟ ସୃଷ୍ଟି କରୁଛି ।
