ଅନ୍ତର୍ଜାତୀୟ ମହିଳା ଦିସବ ଉପଲକ୍ଷେ- ଦିଶା ପ୍ରଶିକ୍ଷଣରୁ ମିନି ଅଙ୍ଗନବାଡ଼ି ଆରମ୍ଭ ପର୍ଯ୍ୟନ୍ତ ଜ୍ୟୋତ୍ସ୍ନା ମହାନ୍ତିଙ୍କ ଯାତ୍ରା

ମହିଳା ସଶକ୍ତୀକରଣ ପାଇଁ ଟାଟା ଷ୍ଟିଲ ଫାଉଣ୍ଡେସନର ପଦକ୍ଷେପ

ସୁକିନ୍ଦା: ସୁକିନ୍ଦା ବ୍ଲକ ଅନ୍ତର୍ଗତ ମାରୁବିଲ ପଞ୍ଚାୟତ ଅନ୍ତର୍ଗତ ଖରଖରୀ ଗ୍ରାମର ଜ୍ୟୋତ୍ସ୍ନା ମହାନ୍ତିଙ୍କୁ ଟାଟା ଷ୍ଟିଲ୍ ଫାଉଣ୍ଡେସନ୍ ର ଦିଶା ପ୍ରଶିକ୍ଷଣ କାର୍ଯ୍ୟକ୍ରମରେ ଯୋଗଦେବା ପାଇଁ ୨୦୨୨ରେ ସ୍ବୟଂ ସହାୟକ ଗୋଷ୍ଠୀ (ଏସ୍ଏଚ୍ଜି) ବୈଠକରେ ନିମନ୍ତ୍ରଣ କରାଯାଇଥିଲା। ଘରର କର୍ତ୍ତବ୍ୟରେ ସୀମିତ ଅନୁଭବ କରି ସେ ନିଜେ କିଛି କରିବାକୁ ଚାହିଁଥିଲେ।

୪ କିଲୋମିଟର ଦୂରରେ ଅବସ୍ଥିତ ରଗଡ଼ା ଗାଁର ଅଙ୍ଗନବାଡ଼ି କେନ୍ଦ୍ରକୁ ଯିବା ସମୟରେ ତାଙ୍କ ଗାଁର ପିଲାମାନେ ସମ୍ମୁଖୀନ ହେଉଥିବା ଅସୁବିଧାକୁ ଦେଖି ସେ ସମାଧାନର ବାଟ ଚିନ୍ତା କରିଥିଲେ । କେନ୍ଦ୍ରକୁ ପିଲାମାନଙ୍କୁ ପରିବହନ କରିବାର ସମୟ ପରିବାରର ପ୍ରାଥମିକ ଜୀବିକା କାର୍ଯ୍ୟ ସୟରେ ଥିଲା। ଗାଁର ଲୋକେ କାମ ଛାଡି 4 କିମି ଦୁରରେ ଥିବା ରଗଡ଼ା ଅଙ୍ଗନୱାଡି କେନ୍ଦ୍ରକୁ ପିଲାଙ୍କୁ ପଠାଇ ପାରୁ ନଥିଲେ।

ଜ୍ୟୋତ୍ସ୍ନା ଏବଂ ତାଙ୍କ ଏସ୍ଏଚ୍ଜି ସଦସ୍ୟମାନେ ମଧ୍ୟାହ୍ନ ଭୋଜନ ମିଶନ ଶକ୍ତି ସ୍ୱୟଂ ସହାୟକ ଗୋଷ୍ଠୀମାନେ କରୁଥିବାର ଜାଣିଲେ। ପରେ ଖାରଖରୀ ଗ୍ରାମରେ ଏକ ମିନି ଅଙ୍ଗନବାଡ଼ି ପ୍ରତିଷ୍ଠା କରିବାକୁ ନିଷ୍ପତ୍ତି ନେଇଥିଲେ ଜ୍ୟୋତ୍ସ୍ନା । ପଞ୍ଚାୟତର ପୁସ୍ତକରକ୍ଷକଙ୍କ ନିକଟରେ ଆଗ୍ରହ ପ୍ରକାଶ କରିବା ସହ ସ୍ଥାନୀୟ ନେତୃତ୍ୱଙ୍କ ସହ ଯୋଗାଯୋଗ କରିବା ପରେ ଜ୍ୟୋତ୍ସ୍ନାର ଏସ୍ଏଚ୍ଜି ମା’ ଭବାନୀ ଏସ୍ଏଚ୍ଜିଙ୍କୁ ଏହି ଦାୟିତ୍ବ ଦିଆଯାଇଥିଲା।

ମିନି ଅଙ୍ଗନବାଡିରେ ଏବେ ୦ରୁ ୫ ବର୍ଷ ବୟସର ପିଲାଙ୍କୁ ଅତ୍ୟାବଶ୍ୟକ ରାସନ ଓ ସେମାନଙ୍କ ପୋଷଣ ଆବଶ୍ୟକତା ଅନୁଯାୟୀ ଖାଦ୍ୟ ଯୋଗାଇ ଦିଆଯାଉଛି। ବର୍ତ୍ତମାନ ୦ରୁ ୩ ବର୍ଷ ବୟସର ୪ ଜଣ ପିଲା ଏବଂ ୩ରୁ ୫ ବର୍ଷ ବୟସର ୫ ଜଣ ପିଲା ଏହି ସେବାରୁ ଉପକୃତ ହେଉଛନ୍ତି।

ଜ୍ୟୋତ୍ସ୍ନା ଏହି ପ୍ରୋଜେକ୍ଟ ପଛରେ ଥିବା ତାଙ୍କର ପ୍ରେରଣା ବିଷୟରେ କହିଛନ୍ତି, “ଯେତେବେଳେ ମୁଁ ମୋ ମିନି ଅଙ୍ଗନୱାଡିରେ ପିଲାମାନଙ୍କୁ ଚାକ୍ ରେ ସ୍ଲେଟ୍ ରେ ଅକ୍ଷର ଲେଖିବା ଶିଖୁଥିବା ଦେଖେ, ମୁଁ ଖୁସି ଅନୁଭବ କରେ । ମୋର ଲକ୍ଷ୍ୟ ହେଉଛି ପ୍ରତ୍ୟେକ ପିଲା, ସେମାନେ ଯେଉଁ ସରକାରୀ ସୁବିଧା ପାଇବାକୁ ଯୋଗ୍ୟ ଅଟନ୍ତି ତାହା ନିଶ୍ଚିତ ପାଆଁନ୍ତୁ । କେହି ବି ପିଲା ଏଥିରୁ ବଞ୍ଚିତ ନ ହୁଅନ୍ତୁ।

ଏହି ପଦକ୍ଷେପ ଏବେ ପ୍ରାରମ୍ଭିକ ପର୍ଯ୍ୟାୟରେ ଥିବା ବେଳେ ଜ୍ୟୋତ୍ସ୍ନା ଏବଂ ତାଙ୍କ ଏସ୍ଏଚ୍ଜିର ସମର୍ପଣ ପ୍ରଶଂସନୀୟ। ମିନି ଅଙ୍ଗନବାଡି ପ୍ରତିଷ୍ଠା ସ୍ଥାନୀୟ ତୃଣମୂଳ ସ୍ତରର ପ୍ରୟାସର ସକାରାତ୍ମକ ପ୍ରଭାବକୁ ସୂଚାଇ ଦେଉଛି। ଆଉ ସ୍ଥାନୀୟ ମହିଳାଙ୍କ ପାଇଁ ଜ୍ୟୋତ୍ସ୍ନା ଉଦାହରଣ ସାଜିଛନ୍ତି।