ଭାରତରେ ୬ କୋଟି ଯାନ ବିକ୍ରି ସହ ନୂତନ ମାଇଲଖୁଣ୍ଟ ସ୍ଥାପନ କଲା ହୋଣ୍ଡା ମୋଟରସାଇକଲ୍ ଆଣ୍ଡ୍ ସ୍କୁଟର ଇଣ୍ଡିଆ

ଭୁବନେଶ୍ୱର: ଦେଶର ଅଗ୍ରଣୀ ଦୁଇଚକିଆ ଯାନ ନିର୍ମାତା ହୋଣ୍ଡା ମୋଟରସାଇକଲ୍ ଆଣ୍ଡ୍ ସ୍କୁଟର ଇଣ୍ଡିଆ ଭାରତରେ ୬ କୋଟି ଗାଡ଼ି ବିକ୍ରି କରିବାର ଗୁରୁତ୍ୱପୂର୍ଣ୍ଣ ମାଇଲଖୁଂଟ ହାସଲ କରିଥିବା ଘୋଷଣା କରିଛି । ଭାରତ ଭିତରେ କମ୍ପାନି ୬ କୋଟି ଗାଡ଼ି ବିକ୍ରି କରିଛି । ଏହା ଭାରତୀୟ ବଜାର ପ୍ରତି କମ୍ପାନିର ଉପସ୍ଥିତି ଓ ଅତୁଟ ପ୍ରତିବଦ୍ଧତାକୁ ଦର୍ଶାଉଛି ।
ହୋଣ୍ଡା ୨୦୦୧ରେ ଏହାର ପ୍ରଥମ ଦୁଇ ଚକିଆ ଯାନ ଆକ୍ଟିଭା ସହିତ ଭାରତୀୟ ବଜାରକୁ ପ୍ରବେଶ କରିଥିଲା ଏବଂ ଏହା ପରେ ଇତିହାସ ସୃଷ୍ଟି କରିଥିଲା । ବର୍ଷ ବର୍ଷ ଧରି କମ୍ପାନି ଅନେକ ମାଇଲଖୁଂଟ ହାସଲ କରିଛି ଏବଂ ଭାରତର ସବୁଠାରୁ ପ୍ରିୟ ଦୁଇ ଚକିଆ ବ୍ରାଣ୍ଡ ମଧ୍ୟରୁ ଅନ୍ୟତମ । ଏହାର ପ୍ରତିଷ୍ଠା ପରଠାରୁ ଏଚଏମଏସଆଇ ଅଭିନବତା, ଗୁଣବତା ଏବଂ ଗ୍ରାହକ ସନ୍ତୋଷରେ ଅଗ୍ରଣୀ ରହିଛି । ଭାରତୀୟ ଉପଭୋକ୍ତାଙ୍କ ବିବିଧ ଆବଶ୍ୟକତା ପୂରଣ କରିବା ପାଇଁ ପ୍ରସ୍ତୁତ ବିଶ୍ୱସ୍ତରୀୟ ଉତ୍ପାଦଗୁଡ଼ିକର ଏକ ବିଶାଳ ଉତ୍ପାଦ ବର୍ଗମାଳା କ୍ରମାଗତ ଭାବରେ ପ୍ରଦାନ କରୁଛି ।
ଜୁନ୍ ୨୦୦୧ରେ ଏହାର ଖୁଚୁରା କାରବାର ଆରମ୍ଭ କରିଥିବା ହୋଣ୍ଡା ଦୁଇ ଦଶନ୍ଧିରୁ ଅଧିକ ସମୟ ଧରି ଭାରତୀୟ ଗ୍ରାହକମାନଙ୍କ ସମର୍ଥନ ପାଇ ଆସୁଛି । ପ୍ରଥମ ୧ କୋଟି ଗ୍ରାହକ ହାସଲ କରିବା ପାଇଁ କଂପାନିକୁ ୧୧ ବର୍ଷ ଲାଗିଥିବା ବେଳେ ଏହାର ଗତି ତିନି ଗୁଣ ବୃଦ୍ଧି ପାଇଛି ଏବଂ ପରବର୍ତୀ ତିନି ବର୍ଷରେ ଏହା ୨ କୋଟି ଛୁଇଁଛି । ଏପ୍ରିଲ ୨୦୧୭ରେ ୩ କୋଟି ମାଇଲଖୁଂଟ ହାସଲ କରାଯାଇଥିଲା । କିନ୍ତୁ ପରବର୍ତୀ ୩ କୋଟି ଗ୍ରାହକ ହୋଣ୍ଡା ପରିବାରରେ ମାତ୍ର ୭ ବର୍ଷ ମଧ୍ୟରେ ଯୋଗ ଦେଇଥିଲେ ଏବଂ ମାର୍ଚ୍ଚ ୨୦୨୪ରେ ୬ କୋଟି ଘରୋଇ ବିକ୍ରି ମାଇଲଖୁଂଟରେ ପହଂଚିଛି ।
ହୋଣ୍ଡା ମୋଟରସାଇକେଲ୍ ଆଣ୍ଡ ୍ ସ୍କୁଟର ଇଣ୍ଡିଆର ଏମଡି, ସଭାପତି ଓ ସିଇଓ ସୁତ୍ସୁମୁ ଓଟାନି କହିଛନ୍ତି ଯେ, “ଏଚ୍‌ଏମ୍‌ଏସ୍‌ଆଇ ଏବେ ଏକ ୬ କୋଟିରୁ ଅଧିକ ଉଲ୍ଲସିତ ଗ୍ରାହକଙ୍କ ପରିବାର ବୋଲି ଘୋଷଣା କରି ଆମେ ଆନନ୍ଦିତ । ଏହି ବିକ୍ରୟ ମାଇଲଖୁଂଟ ହାସଲ କରିବା ଭାରତୀୟ ଗ୍ରାହକମାନେ ବ୍ରାଣ୍ଡ ହୋଣ୍ଡା ଉପରେ ରଖିଥିବା ବିଶ୍ୱାସ ଏବଂ ଆତ୍ମବିଶ୍ୱାସର ପ୍ରମାଣ । ଏହି ସଫଳତା ପାଇଁ ଆମେ ଅତ୍ୟନ୍ତ ଗର୍ବିତ ଏବଂ ଆଗକୁ ଆମେ ଗ୍ରାହକଙ୍କ ଆଶାକୁ ଅତିକ୍ରମ କରିବା ଏବଂ ଭାରତୀୟ ଦୁଇ ଚକିଆ ଯାନ ଶିଳ୍ପର ଅଭିବୃଦ୍ଧି ଓ ବିକାଶରେ ସକାରାତ୍ମକ ଯୋଗଦାନ ଦେବା ପାଇଁ ଉତ୍ସର୍ଗୀକୃତ ରହିଛୁ ।”
ହୋଣ୍ଡା ମୋଟରସାଇକେଲ ଆଣ୍ଡ ସ୍କୁଟର ଇଣ୍ଡିଆର ସେଲ୍ସ ଆଣ୍ଡ ମାର୍କେଟିଂ ନିର୍ଦ୍ଦେଶକ ଯୋଗେଶ ମାଥୁର କହିଛନ୍ତି ଯେ, “ଏଚ୍‌ଏମ୍‌ଏସ୍‌ଆଇ ୬ କୋଟି ଘରୋଇ ବିକ୍ରିର ମାଇଲଖୁଂଟ ହାସଲ କରିଛି ବୋଲି ଘୋଷଣା କରି ଆମେ ଆନନ୍ଦିତ । ଏହି ସଫଳତା ଭାରତୀୟ ଉପଭୋକ୍ତାଙ୍କ ହୃଦୟରେ ପ୍ରତିଫଳିତ ହେଉଥିବା ଶ୍ରେଷ୍ଠ ମାନର ଉତ୍ପାଦ ପ୍ରଦାନ କରିବା ପାଇଁ ଆମର ପ୍ରତିବଦ୍ଧତାକୁ ଦର୍ଶାଉଛି । ଆମେ ଆମର ସମସ୍ତ ବିଶ୍ୱସ୍ତ ଗ୍ରାହକ, ଅଂଶୀଦାର ଏବଂ ଅଂଶୀଦାରମାନଙ୍କୁ ଏହି ଅତୁଲ୍ୟ ଯାତ୍ରାରେ ସେମାନଙ୍କର ଦୃଢ଼ ସମର୍ଥନ ପାଇଁ ହୃଦୟରୁ କୃତଜ୍ଞତା ଜଣାଉଛୁ ।”