ଆର୍ବିଆଇ ପଲିସି ସେମିନାର୍ରେ ଇରେଡା ସିଏମ୍ଡିଙ୍କ ପକ୍ଷରୁ ସବୁଜ ଫାଇନାନ୍ସିଂ ସୁଦୃଢ଼ୀକରଣ ଲକ୍ଷ୍ୟ ଉପରେ ଆଲୋକପାତ
ଭୁବନେଶ୍ୱର: ଭାରତୀୟ ଅକ୍ଷୟ ଶକ୍ତି ବିକାଶ ଏଜେନ୍ସି (ଇରେଡା)ର ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ ଶ୍ରୀ ପ୍ରଦୀପ କୁମାର ଦାସ ଆଜି ଜଳବାୟୁ ପରିବର୍ତ୍ତନ ବିପଦ ଏବଂ ଅର୍ଥ ଉପରେ ଆରବିଆଇ ପଲିସି ସେମିନାରରେ ଅଂଶଗ୍ରହଣ କରିଥିଲେ। କାର୍ଯ୍ୟକ୍ରମରେ ଜଳବାୟୁ ପରିବର୍ତ୍ତନ ବିପଦ ଏବଂ ଏହାର ଆର୍ôଥକ ନିୟନ୍ତ୍ରଣ ଦିଗରେ ନିୟନ୍ତ୍ରକ ସଂସ୍ଥା (ଆର୍ଇ) ସମ୍ମୁଖୀନ ହେଉଥିବା ଆହ୍ୱାନଗୁଡ଼ିକ ବିଷୟରେ ଆଲୋଚନା କରିବା ପାଇଁ ପ୍ରମୁଖ ଆର୍ôଥକ ଲିଡର୍ମାନଙ୍କୁ ଆମନ୍ତ୍ରଣ କରାଯାଇଛି।
ଶ୍ରୀ ଦାସ ଆଲୋକପାତ କରି କହିଥିଲେ ଯେ ଭାରତର ଅକ୍ଷୟ ଶକ୍ତି ସମ୍ପ୍ରସାରଣ ପାଇଁ ୨୦୩୦ ସୁଦ୍ଧା ୪୦-୪୬ ଲକ୍ଷ କୋଟି ଟଙ୍କା (ଇ-ମୋବିଲିଟି ଏବଂ ଆନୁଷଙ୍ଗିକ ଭିତିଭୂମିକୁ ମିଶାଇ) ପୁଞ୍ଜିନିବେଶ ଆବଶ୍ୟକତା ରହିଛି। ତେଣୁ ବିଶ୍ୱ ସ୍ତରରୁ ପାଣ୍ଠି ଆକୃଷ୍ଟ କରିବା ଏବଂ ଘରୋଇ ସବୁଜ ଆର୍ôଥକ ବଜାରକୁ ଗଭୀର କରିବା ପାଇଁ ନୀତି ଆଣିବା ଜରୁରୀ ଅଟେ। ମୂଲ୍ୟାୟନ ବିପଦ ପରିଚାଳନାରେ ଇରେଡା ଭଳି ସ୍ୱତନ୍ତ୍ର ଗ୍ରିନ୍ ଫାଇନାନ୍ସିଂ ଏଜେନ୍ସିର ଗୁରୁତ୍ୱ ଉପରେ ଗୁରୁତ୍ୱାରୋପ କରି ସେ ଦର୍ଶାଇଛନ୍ତି ଯେ ମୋଟ ୧.୪୩ ଲକ୍ଷ କୋଟି ଟଙ୍କାରୁ ଅଧିକ ବିତରଣ ସତ୍ୱେ ଇରେଡାରେ ବର୍ତମାନ ସୁଦ୍ଧା ୨୦୦ କୋଟି ଟଙ୍କାରୁ କମ୍ ଋଣ ପ୍ରଦାନ କରାଯାଇଛି।
ଇରେଡାର ସିଏମଡି ଡେଭେଲପର, ଋଣଦାତା, ନିୟାମକ ସଂସ୍ଥା ଏବଂ ନୀତି ନିର୍ଧାରକଙ୍କ ସହଯୋଗୀ ଆଭିମୁଖ୍ୟ ଉପରେ ଗୁରୁତ୍ୱାରୋପ କରିଥିଲେ ଯାହା ଦ୍ୱାରା ନିୟନ୍ତ୍ରିତ ସଂସ୍ଥା ଏବଂ ଜଳବାୟୁ ଆର୍ôଥକ ବ୍ୟବସ୍ଥାକୁ ଆହୁରି ତ୍ୱରାନ୍ୱିତ କରିବା ପାଇଁ ଏକ ଉପଯୁକ୍ତ ବ୍ୟବସ୍ଥା ସକ୍ଷମ ହୋଇପାରିବ। ଏହାବ୍ୟତୀତ ସମଗ୍ର ଦେଶରେ ଅକ୍ଷୟ ଶକ୍ତି ପ୍ରକଳ୍ପ ସହିତ ଜଡିତ ସମସ୍ତ ଅଂଶୀଦାରଙ୍କ ପାଇଁ ଋଣ ପ୍ରକ୍ରିୟାକୁ ସୁବ୍ୟବସ୍ଥିତ ଏବଂ ସରଳ କରିବା ପାଇଁ ଏକ ସମନ୍ୱିତ, ସିଙ୍ଗଲ ୱିଣ୍ଡୋ ପ୍ଲାଟଫର୍ମ ସୃଷ୍ଟି କରିବା ଉପରେ ସେ ଆଲୋକପାତ କରିଥିଲେ।
ସେ ପ୍ରକଳ୍ପ ନଗଦ ପ୍ରବାହ ଏବଂ କାର୍ଯ୍ୟକ୍ଷମତାକୁ ରିସ୍କକୁ କମ୍ କରିବା ପାଇଁ ବୀମା ସମାଧାନକୁ ସୁବ୍ୟବସ୍ଥିତ କରିବାର ଆବଶ୍ୟକତା ବିଷୟରେ ମଧ୍ୟ ସେ କହିଥିଲେ। ଏହାବ୍ୟତୀତ ଜଳବାୟୁ ବିପଦ ପୂର୍ବାନୁମାନ ପାଇଁ ସରକାର ଏବଂ ଗବେଷଣା ଅନୁଷ୍ଠାନମାନେ ଉପଗ୍ରହ ପ୍ରଯୁକ୍ତି, ଏଆଇ ଏବଂ ବିଗ୍ ଡାଟାର ଉପଯୋଗ କରିବା ଉଚିତ, ଯାହା ଚରମ ପାଣିପାଗ ଘଟଣା ବିରୋଧରେ ଏହି କ୍ଷେତ୍ରର ସ୍ଥିରତା ବୃଦ୍ଧି କରିବା ଉଚିତ ବୋଲି ସେ ପରାମର୍ଶ ଦେଇଥିଲେ। ତାପମାତ୍ରା ପ୍ରତିରୋଧୀ ସୌର ମଡ୍ୟୁଲ୍, ସୁଦୃଢ଼ ପବନ ଟର୍ବାଇନ୍ ବ୍ଲେଡ୍ ଏବଂ ଉନ୍ନତ ପାଣିପାଗ ମନିଟରିଂ ପ୍ରଯୁକ୍ତି ଭଳି ଭାରତ-ନିର୍ଦ୍ଦିଷ୍ଟ ସମାଧାନର ବିକାଶ ପାଇଁ ଗବେଷଣା ଓ ବିକାଶ ପରୀକ୍ଷାଗାର ଏବଂ ଷ୍ଟାର୍ଟଅପ୍ଗୁଡ଼ିକୁ ସମୃଦ୍ଧ କରିବାର ଗୁରୁତ୍ୱ ବିଷୟରେ ସେ ଆଲୋକପାତ କରିଥିଲେ।
ଶ୍ରୀ ଦାସ ନିୟନ୍ତ୍ରିତ ସଂସ୍ଥା କ୍ଷେତ୍ରରେ ଅଧିକ ପରିମାଣର ପୁଞ୍ଜିନିବେଶ ଆକୃଷ୍ଟ କରିବା ପାଇଁ ବିଶ୍ୱସ୍ତରୀୟ ମାନକ ସବୁଜ ବର୍ଗୀକରଣର ଗୁରୁତ୍ୱ ଉପରେ ଆଲୋକପାତ କରି ଅଧିବେଶନ ଶେଷ କରିଥିଲେ। ଘରୋଇ ପେନସନ ପାଣ୍ଠି, ବୀମା ପାଣ୍ଠି ଏବଂ ବ୍ୟାଙ୍କଗୁଡ଼ିକ ପାଇଁ ନିବେଶ ନିର୍ଦ୍ଦେଶାବଳୀ ପାଇଁ ଏୟୁଏମ୍ ଦାୟିତ୍ୱ ପ୍ରଚଳନ କରି ଏହି ପଦକ୍ଷେପକୁ ସୁଦୃଢ଼ କରାଯାଇପାରିବ ବୋଲି ସେ ଚହିଥିଲେ। ଏହି ପଦକ୍ଷେପଗୁଡ଼ିକ ଘରୋଇ ସବୁଜ ପୁଞ୍ଜି ବଜାରକୁ ଗଭୀର କରିବ ଏବଂ ଭାରତର ସ୍ୱଚ୍ଛ ଶକ୍ତି ପରିବର୍ତନକୁ ତ୍ୱରାନ୍ୱିତ କରିବାରେ ସାହାଯ୍ୟ କରିବ।
ପ୍ୟାନେଲ୍ ଆଲୋଚନାକୁ ରିଜର୍ଭ ବ୍ୟାଙ୍କର କାର୍ଯ୍ୟନିର୍ବାହୀ ନିର୍ଦେଶକ ଶ୍ରୀ ଜେ କେ ଦାଶ ସଂଯୋଜନା କରିିବା ବେଳେ ବକ୍ତା ଭାବେ ନାବାର୍ଡର ଅଧ୍ୟକ୍ଷ ସାଜି କେ ଭି, କାନାରା ବ୍ୟାଙ୍କର ଏମ୍ଡି ଓ ସିଇଓ କେ ସତ୍ୟନାରାୟଣ ରାଜୁ, ନାବଫିଡ୍ର ଏମ୍ଡି ରାଜକୀରଣ ରାଏ ଜି, ବ୍ୟାଙ୍କ ଅଫ୍ ବରୋଦାର ଏମ୍ଡି ଓ ସିଇଓ ଦେବଦତ୍ତ ଚାନ୍ଦ, ନିତି ଆୟୋଗର ପ୍ରୋଗ୍ରାମ ଡାଇରେକ୍ଟର (ଜଳବାୟୁ ପରିବର୍ତନ) ଡକ୍ଟର ଅଶୁ ଭରଦ୍ୱାଜ ଓ ପ୍ରଦୀପ କୁମାର ଦାସ ଯୋଗ ଦେଇଥିଲେ।
ଏହି ପଲିସି ସେମିନାରକୁ ପୂର୍ବରୁ ଭାରତୀୟ ରିଜର୍ଭ ବ୍ୟାଙ୍କ (ଆରବିଆଇ)ର ଡେପୁଟି ଗଭର୍ଣ୍ଣର ଶ୍ରୀ ସଂଜୟ ମଲହୋତ୍ରା ଉଦଘାଟନ କରିବା ସହିତ ପ୍ରମୁଖ ବକ୍ତବ୍ୟ ପ୍ରଦାନ କରିଥିଲେ।
