ଟିପି ଓଡ଼ିଶା ଡିସକମ୍ ପକ୍ଷରୁ ରାଜ୍ୟର ସାଂସ୍କୃତିକ ଐତିହ୍ୟକୁ ପ୍ରଦର୍ଶିତ କରିବା ପାଇଁ ‘ଓ ମାଇଁ ବିଉଟିଫୁଲ ଓଡ଼ିଶା’ ଫଟୋଗ୍ରାଫି ପ୍ରତିଯୋଗିତାର ଦ୍ୱିତୀୟ ସଂସ୍କରଣର ଶୁଭାରମ୍ଭ

ଭୁବନେଶ୍ୱର: ଗତବର୍ଷର ପ୍ରତିଯୋଗିତାର ଉଲ୍ଲେଖନୀୟ ସଫଳତା ପରେ ଟାଟା ପାୱାର ଓ ଓଡ଼ିଶା ସରକାରଙ୍କ ଯୌଥ ଉଦ୍ୟୋଗ ଟିପି ଓଡ଼ିଶା ଡିସକମଗୁଡ଼ିକ ପକ୍ଷରୁ ବହୁ ଚର୍ଚ୍ଚିତ ଫଟୋଗ୍ରାଫି ପ୍ରତିଯୋଗିତା ‘ଓ ମାଇଁ ବିଉଟିଫୁଲ ଓଡ଼ିଶା’ର ଦ୍ୱିତୀୟ ସଂସ୍କରଣ ଘୋଷଣା କରାଯାଇଛି। ଚଳିତ ବର୍ଷର ବିଷୟବସ୍ତୁ ‘ଓଡ଼ିଶାର ସାଂସ୍କୃତିକ ଐତିହ୍ୟ’ରେ ଓଡ଼ିଶାର ସମୃଦ୍ଧ ସାଂସ୍କୃତିକ, ପ୍ରାକୃତିକ ଓ ସ୍ଥାପତ୍ୟ ଐତିହ୍ୟ ଉପରେ ଗୁରୁତ୍ୱ ଦେଇ ଓଡ଼ିଶାର ଅବିଶ୍ୱସନୀୟ ସୌନ୍ଦର୍ଯ୍ୟ ଓ ପରମ୍ପରାକୁ ଚିତ୍ରଣ କରିବା ପାଇଁ ସବୁ ବର୍ଗର ଫଟୋଗ୍ରାଫରଙ୍କୁ ନିମନ୍ତ୍ରଣ କରାଯାଇଛି।
ଏହି ପ୍ରତିଯୋଗିତା ଓଡ଼ିଶାର ସମସ୍ତ ଲୋକଙ୍କ ପାଇଁ ଖୋଲା ରହିଛି। ଅଂଶଗ୍ରହଣକାରୀମାନେ ନିମ୍ନରେ ଦିଆଯାଇଥିବା ଲିଙ୍କରେ ସେମାନଙ୍କ ଫଟୋ ଅପଲୋଡ୍ କରିପାରିବେ କିମ୍ବା ଏକ ସଂକ୍ଷିପ୍ତ ବିବରଣୀ ଏବଂ ସେମାନଙ୍କର ବ୍ୟକ୍ତିଗତ ବିବରଣୀ ସହିତ ଇମେଲ୍ ମାଧ୍ୟମରେ ସେମାନଙ୍କର ଆବେଦନ ଦାଖଲ କରିପାରିବେ। ୨୦୨୪ ନଭେମ୍ବର ୧୩, ବୁଧବାର ପର୍ଯ୍ୟନ୍ତ ଆବେଦନ ଗ୍ରହଣ କରାଯିବ।
ଶ୍ରେଷ୍ଠ ୧୨ ଜଣ ପ୍ରତିଯୋଗୀଙ୍କୁ ଆକର୍ଷଣୀୟ ପୁରସ୍କାର ରାଶି ଦିଆଯିବ ଏବଂ ଟିପି ଓଡ଼ିଶା କ୍ୟାଲେଣ୍ଡର ୨୦୨୫ ରେ ସେମାନଙ୍କୁ ସ୍ଥାନ ପାଇବା ସୁଯୋଗ ମିଳିବ। କଭର ଫଟୋଗ୍ରାଫକୁ ସ୍ୱତନ୍ତ୍ର ମାନ୍ୟତା ମିଳିବା ସହିତ ଏହା ଫଟୋଗ୍ରାଫରମାନଙ୍କୁ ସେମାନଙ୍କ କାର୍ଯ୍ୟକୁ ଦର୍ଶକଙ୍କ ନିକଟରେ ପ୍ରଦର୍ଶନ କରିବା ପାଇଁ ଏକ ମୂଲ୍ୟବାନ ପ୍ଲାଟଫର୍ମ ପ୍ରଦାନ କରିବ।
ଏହି ପଦକ୍ଷେପ ମାଧ୍ୟମରେ ଟାଟା ପାୱାର ରାଜ୍ୟର ପ୍ରାକୃତିକ ଓ ସାଂସ୍କୃତିକ ସୌନ୍ଦର୍ଯ୍ୟକୁ ଲୋକଲୋଚନକୁ ଆଣିବା ସହ ସ୍ଥାନୀୟ ସମୁଦାୟକୁ ଏହାର ଆଖପାଖ ଅଞ୍ଚଳରେ ଗର୍ବ କରିବା ପାଇଁ ଉତ୍ସାହିତ କରିବା ତଥା ଓଡ଼ିଶାର ଅନନ୍ୟ ସୌନ୍ଦର୍ଯ୍ୟକୁ ନିଜ କଳାତ୍ମକ ଦୃଷ୍ଟିକୋଣରୁ ପ୍ରଦର୍ଶିତ କରିବାକୁ ଲକ୍ଷ୍ୟ ରଖିଛି।
ବିଭିନ୍ନ କ୍ଷେତ୍ରର ବିଶେଷଜ୍ଞମାନଙ୍କୁ ନେଇ ଗଠିତ ଏକ ବିଶିଷ୍ଟ ବିଚାରକ ମଣ୍ଡଳୀ ଅବେଦନଗୁଡ଼ିକର ମୂଲ୍ୟାଙ୍କନ କରିବେ। ଆବେଦନକାରୀମାନଙ୍କୁ ସେମାନଙ୍କ କଳାତ୍ମକ ଅବଦାନ ପାଇଁ ସେମାନଙ୍କୁ ସମ୍ମାନିତ କରିବା ଏବଂ ପ୍ରଶଂସା କରିବା ଉଦ୍ଦେଶ୍ୟରେ ଏକ ଭବ୍ୟ ସମାରୋହରେ ବିଜେତାଙ୍କ ନାମ ଘୋଷଣା କରାଯିବ।
ଓଡ଼ିଶାର ସାଂସ୍କୃତିକ ଓ ପ୍ରାକୃତିକ ଐତିହ୍ୟର ନିରନ୍ତର ବିକାଶ, ସାମୂହିକ ଯୋଗଦାନ ଏବଂ ପ୍ରୋତ୍ସାହନ ଦିଗରେ ଟାଟା ପାୱାରର ପ୍ରତିଶ୍ରୁତିବଦ୍ଧତାର ଏକ ଅଂଶ ହେଉଛି ‘ଓ ମାଇଁ ବିଉଟିଫୁଲ ଓଡ଼ିଶା ୨.୦’ ଫଟୋଗ୍ରାଫି ପ୍ରତିଯୋଗିତା। ଏଥିରେ ଯୋଗଦାନ କରିବା ପାଇଁ ଫଟୋଗ୍ରାଫରମାନଙ୍କୁ ନିମନ୍ତ୍ରଣ କରି ଟାଟା ପାୱାର ରାଜ୍ୟର ସୌନ୍ଦର୍ଯ୍ୟକୁ ପ୍ରଦର୍ଶନ, ପର୍ଯ୍ୟଟନକୁ ପ୍ରୋତ୍ସାହିତ କରିବା ଏବଂ ସ୍ଥାନୀୟ ଅର୍ଥନୀତିକୁ ସମର୍ଥନ କରିବାକୁ ଲକ୍ଷ୍ୟ ରଖିଛି । ଦ୍ରୁତ ପର୍ଯ୍ୟଟନ ଅଭିବୃଦ୍ଧି ପାଇଁ ଜଣାଶୁଣା ଓଡ଼ିଶା, ବିଶ୍ୱ ପର୍ଯ୍ୟଟକଙ୍କୁ ଆକୃଷ୍ଟ କରିବାରେ ଲାଗିଛି ଏବଂ ଏହି ପ୍ରତିଯୋଗିତା ଏହାର ଆକର୍ଷଣକୁ ଆହୁରି ବଢ଼ାଇବାକୁ ଚାହୁଁଛି।
ଅଂଶଗ୍ରହଣ କରିବା ପାଇଁ ନିୟମ ଏବଂ ସର୍ତ୍ତାବଳୀ:

୨. ଆବେଦନ ଫାଇଲ ଆକାର ୧୦ ଏମବି (ସର୍ବନିମ୍ନ ୨ ଏମବି) ରୁ ଅଧିକ ହେବା ଆବଶ୍ୟକ ନୁହେଁ
୩. ଫଟୋଗୁଡିକ ମୂଳ, ଅପ୍ରକାଶିତ କୃତି ହେବା ଆବଶ୍ୟକ ଯେଉଁଥିରେ କୌଣସି ତୃତୀୟ ପକ୍ଷ କିମ୍ବା ସଂସ୍ଥାର ମାଲିକାନାରେ ଥିବା କୌଣସି ବିଷୟବସ୍ତୁ, ଉପାଦାନ କିମ୍ବା ଅନ୍ୟଥା ବ୍ୟବହାର ହୋଇ ନଥିବ, କିମ୍ବା ତୃତୀୟ ପକ୍ଷର ପ୍ରଚାର, ଗୋପନୀୟତା କିମ୍ବା ବୌଦ୍ଧିକ ସମ୍ପତି ଅଧିକାରକୁ ଉଲ୍ଲଂଘନ କରୁନଥିବ।
୪. ଫିଲଟର କିମ୍ବା ଏଆଇର ବ୍ୟବହାର କଡ଼ାକଡ଼ି ଭାବେ ନିଷିଦ୍ଧ ତେଣୁ ଏହାର ବ୍ୟବହାର ହୋଇଥିଲେ ଆବେଦନ ଅଯୋଗ୍ୟ ହେବ।
୫. ପୂର୍ବ ପ୍ରତିଯୋଗିତାରେ ଅଂଶଗ୍ରହଣ କରିଥିବା ଫଟୋଗ୍ରାଫରମାନେ ଯଦି ନୂତନ ଆବେଦନ ଦାଖଲ କରନ୍ତି ତେବେ ପୁନର୍ବାର ଯୋଗ ଦେବା ପାଇଁ ସେମାନେ ସ୍ୱାଗତଯୋଗ୍ୟ। ପୁରୁଣା ଫଟୋକୁ ପୁନଃ ଦାଖଲ କଲେ ଅଯୋଗ୍ୟ ଘୋଷଣା କରାଯିବ।
ଅସ୍ୱୀକାର: ଟିପି ଓଡ଼ିଶା ଡିସକମଗୁଡ଼ିକ ଦାଖଲ ହୋଇଥିବା ଆବଦେନଗୁଡ଼ିକୁ ନିଜ ଅନୁଯାୟୀ ବ୍ୟବହାର କରିବାର ଅଧିକାର ପାଖରେ ରଖିବେ।
ନିଜର ପ୍ରତିଭା ପ୍ରଦର୍ଶନ କରି ଓଡ଼ିଶାର ଗୌରବକୁ ପାଳନ କରିବାର ଏହି ସୁଯୋଗ ହାତଛଡ଼ା କରନ୍ତୁ ନାହିଁ।