ଜାୱା ୟେଜଦି ମୋଟରସାଇକଲ ପକ୍ଷରୁ ଅନଲାଇନରେ ମୋଟରସାଇକଲ୍ କ୍ରୟ ପାଇଁ ଫ୍ଲିପକାର୍ଟ ସହ ସହଯୋଗିତା

ଭୁବେନଶ୍ୱର: ଜାୱା ୟେଜଦି ମୋଟରସାଇକଲ ପକ୍ଷରୁ ଫ୍ଲିପକାର୍ଟ ସହିତ ସହଯୋଗିତା ସ୍ଥାପନ କରାଯାଇଛି ଯାହା ଭାରତରେ ପ୍ରିମିୟମ ମୋଟରସାଇକେଲ ବଜାରରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ । ଫ୍ଲିପକାର୍ଟର ଇ-କମର୍ସ ପ୍ଲାଟଫର୍ମରେ ନିଜର ଉତ୍ପାଦ ପ୍ରଦାନ କରିବାରେ ଜାୱା ୟେଜଦି ପ୍ରଥମ ପ୍ରିମିୟମ ମୋଟୋରସାଇକଲ ନିର୍ମାତାରେ ପରିଣତ ହୋଇଛି। ଏହା ଦ୍ୱାରା ଗ୍ରାହକମାନେ କିଭଳି ସାରା ଦେଶରେ ହାଇ-ଏଣ୍ଡ ମୋଟରସାଇକେଲ୍ ପାଖରେ ପହଂଚିପାରିବେ ଓ କ୍ରୟ କରିପାରିବେ।
ଏହି ସହଯୋଗିତା ଜାୱା ୟେଜଦି ମୋଟରସାଇକଲର ଡିଜିଟାଲ ରଣନୀତିର ଏକ ପ୍ରମୁଖ ଅଂଶ। ଏହା ଗ୍ରାହକଙ୍କ ଅଭିଜ୍ଞତାକୁ ଉନ୍ନତ କରିବା ଏବଂ ଏହାର ପ୍ରିମିୟମ ମୋଟରସାଇକଲ ପରିସରର ଉପଲବ୍ଧତା ବୃଦ୍ଧି କରିବା ପାଇଁ ପ୍ରସ୍ତୁତ କରାଯାଇଛି । ୫୦୦ ନିୟୁତରୁ ଅଧିକ ଉପଭୋକ୍ତାଙ୍କ ସହ ଫ୍ଲିପକାର୍ଟ ପ୍ଲାଟଫର୍ମ ବ୍ୟବହାର କରି ଜାୱା ୟେଜଦି ମୋଟରସାଇକଲ୍ ଅଧିକ ଦର୍ଶକଙ୍କ ନିକଟରେ ପହଞ୍ଚିବ ଯାହା ଦ୍ୱାରା ଭାରତର ବିଭିନ୍ନ ପ୍ରାନ୍ତରୁ ମୋଟରସାଇକଲ୍ ପ୍ରେମୀମାନେ ସେମାନଙ୍କର କ୍ଲାସିକ୍ ବାଇକଗୁଡ଼ିକୁ ଅନୁସନ୍ଧାନ, ତୁଳନା ଏବଂ ଚୟନ କରିପାରିବେ।
କ୍ଲାସିକ୍ ଲିଜେଣ୍ଡସର ସିଇଓ ଆଶିଷ ସିଂହ ଯୋଶୀ କହିଛନ୍ତି, ଯେ, ‘ ଫ୍ଲିପକାର୍ଟ ସହିତ ଆମର ସହଯୋଗିତା ପ୍ରିମିୟମ ମୋଟରସାଇକଲ୍ କ୍ଷେତ୍ରରେ ଏକ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ। ଫ୍ଲିପକାର୍ଟର ପ୍ଲାଟଫର୍ମକୁ ଜାୱା ଏବଂ ୟେଜଦି ମୋଟରସାଇକଲ ଆଣି ଆମେ ସମଗ୍ର ଭାରତରେ ଉତ୍ସାହୀମାନଙ୍କ ପାଇଁ ଅନୁସନ୍ଧାନ ଏବଂ କ୍ରୟ ଅଭିଜ୍ଞତା ବୃଦ୍ଧି କରୁଛୁ। ଏହି ସହଯୋଗିତା ଗ୍ରାହକମାନଙ୍କୁ ଆମର ସମଗ୍ର ପରିସର ଅନୁସନ୍ଧାନ କରିବାକୁ, ମଡେଲ୍ ତୁଳନା କରିବାକୁ ଏବଂ ଆମ ବାଇକର ଅନନ୍ୟ ଐତିହ୍ୟ ଏବଂ ପ୍ରଦର୍ଶନକୁ ସେମାନଙ୍କ ଘରେ ବସି ବୁଝିବାକୁ ଅନୁମତି ପ୍ରଦାନ କରୁଛି। ଆମେ କେବଳ ଅନଲାଇନରେ ମୋଟରସାଇକଲ ବିକ୍ରି କରୁନାହୁଁ; ଆମେ ଜାୱା ଏବଂ ୟେଜଦି ଜୀବନଶୈଳୀପାଇଁ ଏକ ପ୍ରବେଶ ଦ୍ୱାର ପ୍ରଦାନ କରୁଛୁ । ଏହି ସହଯୋଗିତା ଆଗ୍ରହରୁ ମାଲିକାନା ପର୍ଯ୍ୟନ୍ତ ଯାତ୍ରାକୁ ସରଳ କରିବ ଯାହା ରାଇଡରମାନଙ୍କ ପାଇଁ ଆମର ବ୍ରାଣ୍ଡ ସହିତ ଯୋଡ଼ିହେବା ସହଜ କରିଛି। ଗ୍ରାହକମାନେ ଆଶା କରୁଥିବା ପ୍ରିମିୟମ୍ ସ୍ପର୍ଶକୁ ବଜାୟ ରଖି ସୋ’ରୁମ୍ ଅନୁଭୂତିକୁ ଅନଲାଇନ୍ ରେ ଆଣିବା ହେଉଛି ଆମର ଲକ୍ଷ୍ୟ।’’
ଫ୍ଲିପକାର୍ଟର ଇଲେକ୍ଟ୍ରୋନିକ୍ସର ଉପାଧ୍ୟକ୍ଷ ଜଗଜିତ ହାରୋଡେ କହିଛନ୍ତି ଯେ, ‘ଜାୱା ୟେଜଦି ମୋଟରସାଇକଲ ସହିତ ଏହି ସହଯୋଗିତା ଫ୍ଲିପକାର୍ଟର ପ୍ରିମିୟମ ଉତ୍ପାଦ କିପରି ଅନଲାଇନରେ ଅନୁସନ୍ଧାନ ଏବଂ କ୍ରୟ କରାଯାଏ ସେଥିରେ ବୈପ୍ଳବିକ ପରିବର୍ତନ ଆଣିବାର ଅନନ୍ୟ କ୍ଷମତାକୁ ପ୍ରଦର୍ଶିତ କରୁଛି। ଆମ ପ୍ଲାଟଫର୍ମ ଏହି ସହଯୋଗିତା ପାଇଁ ଅନେକ ଗୁରୁତ୍ୱପୂର୍ଣ୍ଣ ସୁବିଧା ଆଣିଛି। ପ୍ରଥମତଃ, ଆମର ଏଆଇ ଦ୍ୱାରା ପରିଚାଳିତ ସୁପାରିଶ ଗ୍ରାହକମାନଙ୍କୁ ସେମାନଙ୍କ ପସନ୍ଦ ଏବଂ ରାଇଡିଂ ଶୈଳୀ ଆଧାରରେ ସେମାନଙ୍କର ଆଦର୍ଶ ଜାୱା କିମ୍ବା ୟେଜଦି ମୋଟରସାଇକଲ ସହିତ ମେଳ କରିବାରେ ସାହାଯ୍ୟ କରିବ । ଦ୍ୱିତୀୟତଃ, ଆମର ନିରବଚ୍ଛିନ୍ନ ଇଂଟରଫେସ୍ ଗ୍ରାହକମାନଙ୍କୁ ମଡେଲଗୁଡ଼ିକୁ ପାର୍ଶ୍ୱରେ ତୁଳନା କରିବାକୁ, ପ୍ରାମାଣିକ ଉପଭୋକ୍ତା ସମୀକ୍ଷା ପଢ଼ିବାକୁ ଏବଂ ଅବଗତ ନିଷ୍ପତ୍ତି ନେବାକୁ ସୁବିଧା ପ୍ରଦାନ କରୁଛି। ଏହାବ୍ୟତୀତ, ଜାୱା ୟେଜଦି ଡିଲରସିପରେ ଅନଲାଇନ୍ ବୁକିଂ ଏବଂ ଅଫଲାଇନ୍ ଡେଲିଭରି ମଧ୍ୟରେ ସୁରୁଖୁରୁରେ ସମନ୍ୱୟ ସୁନିଶ୍ଚିତ କରିବା ପାଇଁ ଆମେ ଆମର ବ୍ୟାପକ ଲଜିଷ୍ଟିକ୍ ନେଟୱାର୍କର ଉପଯୋଗ କରୁଛୁ । ଏହି ସହଯୋଗିତା କେବଳ ଆମର ପ୍ରିମିୟମ ଅଫରକୁ ବିସ୍ତାର କରୁ ନାହିଁ ବରଂ ଫ୍ଲିପକାର୍ଟର ପ୍ରଯୁକ୍ତି ଏବଂ ଉପସ୍ଥିତି କିପରି ହାଇ-ଏଣ୍ଡ ମୋଟରସାଇକେଲ ଭଳି ସ୍ୱତନ୍ତ୍ର ବର୍ଗ ପାଇଁ ନୂତନ ମାର୍ଗ ଖୋଲିପାରିବ ତାହା ମଧ୍ୟ ଦର୍ଶାଉଛି।’’