ଷ୍ଟାର୍ ହେଲଥ ଇନସ୍ୟୁରାନ୍ସ ପକ୍ଷରୁ ବ୍ରେଲିରେ ଭାରତର ପ୍ରଥମ ବୀମା ପଲିସିର ଶୁଭାରମ୍ଭ

ଭୁବନେଶ୍ୱର: ଷ୍ଟାର ହେଲଥ ଆଣ୍ଡ ଆଲାଏଡ ଇନସ୍ୟୁରାନ୍ସ ପକ୍ଷରୁ ବ୍ରେଲିରେ ଶିଳ୍ପର ପ୍ରଥମ ବୀମା ପଲିସିର ଶୁଭାରମ୍ଭ କରାଯାଇଛି। ଏହା ଦ୍ୱାରା ଦୃଷ୍ଟିହୀନମାନେ ବୀମା ପଲିସିର ତଥ୍ୟ ବିଷୟରେ ଜାଣିପାରିବେ ଏବଂ ନିଜର ସ୍ୱାସ୍ଥ୍ୟ ଓ ଫାଇନାନ୍ସ ସମ୍ପର୍କିତ ନିଷ୍ପତି ନେଇପାରିବେ। ଭାରତରେ ଥିବା ୩୪ ନିୟୁତ ଦୃଷ୍ଟିହୀନଙ୍କୁ ଆର୍ôଥକ ସ୍ତରରେ ସଶକ୍ତ କରି ସେମାନଙ୍କ ଲାଗି ଆୟ ସୁଯୋଗ ସୃଷ୍ଟି କରିବା ପାଇଁ ଏକ ବିବିଧ ଓ ଆର୍ôଥକ ଅନ୍ତର୍ଭୁକ୍ତୀକରଣ ଅଭିଯାନର ଶୁଭାରମ୍ଭ କରାଯାଇଛି। କମ୍ପାନିରେ ସ୍ୱାସ୍ଥ୍ୟ ବୀମା ଏଜେଂଟ ଭାବେ କାମ କରିବା ଲାଗି ସେମାନଙ୍କୁ ତାଲିମ ଓ ପ୍ରଶିକ୍ଷଣ ଦେବାକୁ କମ୍ପାନି ପ୍ରତିବଦ୍ଧ ଥିବା ଜଣାଇଛି।
ଷ୍ଟାର୍ ହେଲଥ ଇନସ୍ୟୁରାନ୍ସର ଏମଡି ତଥା ସିଇଓ ଆନନ୍ଦ ରୟ କହିଛନ୍ତି ଯେ, ‘ବ୍ରେଲି ଲିପିରେ ‘ସ୍ପେଶାଲ୍ କେୟାର ଗୋଲ୍ଡ’ ପଲିସିର ଶୁଭାରମ୍ଭ ଘୋଷଣା କରି ଆମେ ଆନନ୍ଦିତ। ସମାଜର ସମସ୍ତ ବର୍ଗରେ ସ୍ୱାସ୍ଥ୍ୟ ବୀମାକୁ ସମାନ ଭାବରେ ଉପଲବ୍ଧ କରାଇବା ପାଇଁ ଏହା ଆମର ମିସନରେ ଏକ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ । ଏହି ପଲିସି ପାରମ୍ପରିକ ବୀମାକୁ ଅତିକ୍ରମ କରି ଭିନ୍ନକ୍ଷମ ବ୍ୟକ୍ତିମାନେ ଯେପରି ଆବଶ୍ୟକ ବ୍ୟାପକ ସମର୍ଥନ ଏବଂ ବୀମା ସୁବିଧା ପାଇବେ ତାହା ସୁନିଶ୍ଚିତ କରିବା ପାଇଁ ଆମର ପ୍ରତିବଦ୍ଧତାକୁ ପ୍ରତିଫଳିତ କରୁଛି। ଭାରତରେ ୩୪ ନିୟୁତ ଦୃଷ୍ଟିହୀନଙ୍କ ପାଖରେ ବୀମା ପହଂଚାଇବାକୁ ଆମେ ଲକ୍ଷ୍ୟ ରଖିଛୁ। ଆଇଆରଡିଏଆଇର ‘ସମସ୍ତଙ୍କ ପାଇଁ ବୀମା’ ଦୃଷ୍ଟିକୋଣ ସହିତ ଯୋଡ଼ି ହୋଇ ଆମେ କେବଳ ଗୁଣାତ୍ମକ ସ୍ୱାସ୍ଥ୍ୟ ବୀମା ନୁହେଁ ବରଂ ସମାଜର ଏହି ଅନଗ୍ରସର ଏବଂ ଅବହେଳିତ ବର୍ଗଙ୍କ ପାଇଁ ସ୍ଥାୟୀ ଆୟ ସୃଷ୍ଟି ସୁଯୋଗ ସୃଷ୍ଟି କରି ଆର୍ôଥକ ଅନ୍ତର୍ଭୁକ୍ତୀକରଣକୁ ସକ୍ଷମ କରିବା ପାଇଁ ସମର୍ପିତ । ଏହି ଆନ୍ଦୋଳନକୁ ପ୍ରଚାର କରିବେ ଶ୍ରୀକାନ୍ତ ବୋଲା।’’
ବୋଲାଂଟ ଇଣ୍ଡଷ୍ଟ୍ରିଜର ସହ-ପ୍ରତିଷ୍ଠାତା ତଥା ଅଧ୍ୟକ୍ଷ ଶ୍ରୀକାନ୍ତ ବୋଲା କହିଛନ୍ତି ଯେ, “ବିଶେଷ ଦକ୍ଷତା ଥିବା ବ୍ୟକ୍ତିମାନେ ସମ୍ମୁଖୀନ ହେଉଥିବା ଆହ୍ୱାନର ସମ୍ମୁଖୀନ ହୋଇଥିବା ବ୍ୟକ୍ତି ଭାବରେ ମୁଁ ଏହି ଶିଳ୍ପ ପାଇଁ ଷ୍ଟାର ହେଲଥ ଇନସ୍ୟୁରାନ୍ସକୁ ପ୍ରଶଂସା କରୁଛି। ସ୍ପେଶାଲ କେୟାର ଗୋଲ୍ଡ କେବଳ ବ୍ରେଲିରେ ଏକ ବୀମା ପଲିସି ନୁହେଁ। ଏହା ସଶକ୍ତୀକରଣ ଏବଂ ସମାନ ସୁଯୋଗର ବାର୍ତା। ବିଶେଷ ଦକ୍ଷତା ଥିବା ଲୋକମାନଙ୍କର ସ୍ୱାସ୍ଥ୍ୟ ସୁରକ୍ଷାର ଅଧିକାର ଅନ୍ୟମାନଙ୍କ ପରି ସମାନ ଏବଂ ଏହା ଆମ ସମାଜରେ ପ୍ରକୃତ ଅନ୍ତର୍ଭୁକ୍ତୀକରଣ ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ବୋଲି ଏହା ନିଶ୍ଚିତ କରୁଛି। ମୋ ପରିବାର ଏବଂ ମୁଁ ଷ୍ଟାର ହେଲଥ ଇନସ୍ୟୁରାନ୍ସର ଗ୍ରାହକ ଏବଂ ମୁଁ ବର୍ତମାନ ଷ୍ଟାର ହେଲଥ ସହିତ ଲାଇସେନ୍ସପ୍ରାପ୍ତ ସ୍ୱାସ୍ଥ୍ୟ ବୀମା ଏଜେଂଟ ହେବା ଏବଂ ଯେଉଁମାନଙ୍କୁ ନିଜର ଭାଗ୍ୟ ସୃଷ୍ଟି କରିବାରେ ସାହାଯ୍ୟ କରିବା ପାଇଁ ଏହି ଗୁରୁତ୍ୱପୂର୍ଣ୍ଣ ସହାୟତା ଆବଶ୍ୟକ କରନ୍ତି ସେମାନଙ୍କ ପାଖରେ ପହଞ୍ଚିବା ପାଇଁ ଏହାକୁ ଅଧିକ ପ୍ରଚାର କରିବାକୁ ଆନନ୍ଦିତ।
ଏହି ଉନ୍ମୋଚନ ଉତ୍ସବରେ ଦୃଷ୍ଟିହୀନ ଉଦ୍ୟୋଗୀ ତଥା ବୋଲାଂଟ ଇଣ୍ଡଷ୍ଟ୍ରିଜର ସହ-ପ୍ରତିଷ୍ଠାତା ତଥା ଅଧ୍ୟକ୍ଷ ପ୍ରଖ୍ୟାତ ଶିଳ୍ପପତି ଶ୍ରୀକାନ୍ତ ବୋଲ୍ଲା, ଷ୍ଟାର ହେଲ୍ଥ ଇନସ୍ୟୁରାନ୍ସର ଏମଡି ଓ ସିଇଓ ଆନନ୍ଦ ରାୟ ଯୋଗ ଦେଇଥିଲେ।