ବେଦାନ୍ତର ଋଣ ପୃଥକୀକୃତ ସଂସ୍ଥାରେ ସମ୍ପତି ଅନୁପାତରେ ବଂଟନ କରାଯିବ

ଭୁବନେଶ୍ୱର: ଖଣି କମ୍ପାନି ବେଦାନ୍ତ ଆଲୁମିନିୟମ ସମେତ ଏହାର ପ୍ରମୁଖ ବ୍ୟବସାୟଗୁଡ଼ିକୁ ପୃଥକ ତାଲିକାଭୁକ୍ତ କଂପାନିରେ ପରିଣତ କରିବା ଦିଗରେ ଗତି କରୁଛି ଏବଂ ପୃଥକୀକୃତ ସଂସ୍ଥାଗୁଡ଼ିକରେ ସେମାନଙ୍କ ସମ୍ପତି ଅନୁପାତରେ ଋଣ ଆବଂଟନ କରାଯିବ ବୋଲି ସୂତ୍ରରୁ ଜଣାପଡ଼ିଛି । ବେଦାନ୍ତ ଏହାର ଋଣଦାତାମାନଙ୍କ ସହ ଏହି ପ୍ରସଙ୍ଗରେ ଯୋଗାଯୋଗର ଆଗୁଆ ପର୍ଯ୍ୟାୟରେ ରହିଛିି ଏବଂ ଏହି ପ୍ରକ୍ରିୟା ସୁରୁଖୁରୁରେ ଚାଲିଛି ବୋଲି ସେମାନେ କହିଛନ୍ତି ।
ଏହି ପୃଥକୀକରଣ ପରେ ସଂସ୍ଥାଗୁଡ଼ିକରେ ଋଣ ଆବଂଟନ କୁ ନେଇ ସ୍ପଷ୍ଟତା ରହିଛି । କମ୍ପାନିର ଜଣେ ବରିଷ୍ଠ ଅଧିକାରୀ ନିକଟରେ ଶେଷ ହୋଇଥିବା ଏକ ନିବେଶକ କାର୍ଯ୍ୟକ୍ରମରେ କହିଛନ୍ତି ଯେ ନିର୍ଦ୍ଧାରିତ ନିୟମାବଳୀ ଅନୁଯାୟୀ ସେମାନଙ୍କୁ ଆବଂଟନ କରାଯାଉଥିବା ସମ୍ପତିର ଅନୁପାତରେ ଋଣ ପୃଥକୀକୃତ ସଂସ୍ଥାଗୁଡ଼ିକ ମଧ୍ୟରେ ବଂଟନ କରାଯିବ ।
ବେଦାନ୍ତ ଆଲୁମିନିୟମର ଉଦାହରଣ ଦେଇ ଅଧିକାରୀ ଜଣକ କହିଛନ୍ତି ଯେ କମ୍ପାନିକୁ ଯେଉଁ ଋଣ ଆବଂଟନ କରାଯିବ ତାହା କମ୍ପାନି ପାଖରେ ଥିବା ସମ୍ପତିର ବୁକ୍ ଭାଲ୍ୟୁ ସିଧାସଳଖ ଅନୁପାତରେ ହେବ । କାରବାର ଯେପରି ଟିକସ ନିରପେକ୍ଷ ରହିବ ତାହା ସୁନିଶ୍ଚିତ କରିବା ପାଇଁ ଏହା କରାଯାଇଛି ।
ଗତବର୍ଷ ସେପ୍ଟେମ୍ବରରେ ବେଦାନ୍ତ ମୂଲ୍ୟ ପୃଥକୀକରଣ ପାଇଁ ଧାତବ, ଶକ୍ତି, ଆଲୁମିନିୟମ ଏବଂ ତୈଳ ଓ ଗ୍ୟାସ ବ୍ୟବସାୟର ବିଭାଜନ କରିବାକୁ ଘୋଷଣା କରିଥିଲା । ଏହି ଘୋଷଣା ଅନୁସାରେ ବେଦାନ୍ତ ଆଲୁମିନିୟମ, ବେଦାନ୍ତ ତୈଳ ଓ ଗ୍ୟାସ, ବେଦାନ୍ତ ପାୱାର, ବେଦାନ୍ତ ଷ୍ଟିଲ ଆଣ୍ଡ ଫେରସ ମ୍ୟାଟେରିଆଲ୍ସ, ବେଦାନ୍ତ ବେସ୍ ମେଟାଲ୍ସ ଏବଂ ବେଦାନ୍ତ ଲିମିଟେଡ ଭଳି ୬ଟି ସ୍ୱାଧୀନ ସଂସ୍ଥା ଗଠନ କରାଯିବ । ବେଦାନ୍ତର ପ୍ରତ୍ୟେକ ଅଂଶ ପାଇଁ ଅଂଶଧନଧାରୀମାନେ ନୂତନ ତାଲିକାଭୁକ୍ତ ପାଂଚଟି କମ୍ପାନୀର ଗୋଟିଏ ଲେଖାଏଁ ଅଂଶ ପାଇବେ ।
ଏହି ପୃଥକୀକରଣ ପରେ ହିନ୍ଦୁସ୍ତାନ ଜିଙ୍କ୍‌ର ବ୍ୟବସାୟ ତଥା ଇଲେକ୍ଟ୍ରୋନିକ୍ସ ବ୍ୟବସାୟ ବେଦାନ୍ତ ଲିମିଟେଡ୍ ପାଖରେ ରହିବ । ଏନ୍‌ଓସି ପାଇବା ପରେ ତୁରନ୍ତ ଏନ୍‌ସିଏଲ୍‌ଟିରେ ଆବେଦନ କରାଯିବ ।
ଋଣ ଆବଂଟନ ସଂକ୍ରାନ୍ତରେ ଋଣଦାତାଙ୍କ ପ୍ରତିନିଧିତ୍ୱ କରିବା ପାଇଁ ଏସବିଆଇସିଏପିଗୁଡ଼ିକୁ ନିୟୋଜିତ କରାଯାଇଛି ଏବଂ ସେମାନେ ଯଥାଶୀଘ୍ର ଏନଓସି ହାସଲ କରିବେ ବୋଲି ଆଶା ରଖିଛନ୍ତି ବୋଲି ସୂତ୍ରରୁ ପ୍ରକାଶ । ଏହି ବିଭାଜନର ସମାନ୍ତରାଳ ଭାବେ ବେଦାନ୍ତ ଆଗାମୀ ତିନି ବର୍ଷ ମଧ୍ୟରେ ଗ୍ରୁପ୍ ସ୍ତରରେ ଋଣକୁ ୩ ବିଲିୟନ ଡଲାର ହ୍ରାସ କରିବା ପାଇଁ ଏକ ଡିଲିଭରେଜିଂ କାର୍ଯ୍ୟକ୍ରମ ହାତକୁ ନେଉଛି, ଯାହା ଏହାର ନିଟ୍ ଋଣ ସ୍ତରକୁ ୯ ବିଲିୟନ ଡଲାର ତଳକୁ ହ୍ରାସ କରିଛି ।
ଡିଲିଭରେଜିଂ ମୁଖ୍ୟତଃ ଦୃଢ଼ ଆଭ୍ୟନ୍ତରୀଣ ନଗଦ ପ୍ରବାହ ଦ୍ୱାରା ପାଣ୍ଠି ଯୋଗାଣ ହେବ ବୋଲି ଆଶା କରାଯାଉଛି, ଯାହା ଗୁରୁତ୍ୱପୂର୍ଣ୍ଣ ସଂପତି ବିକ୍ରୟ ଏବଂ ସମ୍ଭାବ୍ୟ ଇକ୍ୱିଟି ଭାଗିଦାରୀରୁ ଅଧିକ ସମର୍ôଥତ ହେବ ।
ଏହି ବିଭାଜନ ଗ୍ରୁପ୍‌ର କର୍ପୋରେଟ୍ ଢାଂଚାକୁ କ୍ଷେତ୍ର-କେନ୍ଦ୍ରିତ ସ୍ୱାଧୀନ ବ୍ୟବସାୟ ସହିତ ସରଳ କରିବ ବୋଲି ଆଶା କରାଯାଉଛି । ଆମର ପ୍ରତ୍ୟେକ ବ୍ୟବସାୟ ବିଶ୍ୱସ୍ତରରେ ଅଛି ତେଣୁ ବୋର୍ଡ ଏକ ଡିମର୍ଜର୍ କରିବାକୁ ନିଷ୍ପତି ନେଇଛି । ଆମେ ସମ୍ପତିି ମାଲିକାନା ଏବଂ ଉଦ୍ୟୋଗୀ ମାନସିକତା ସହିତ ଏକ କର୍ପୋରେଟ୍ ଢାଂଚା ନିର୍ମାଣ କରିବାକୁ ଚାହୁଁଛୁ ଯେଉଁଠାରେ ପ୍ରତ୍ୟେକ କମ୍ପାନି ଏହାର ଅଭିବୃଦ୍ଧି ପଥ ନିର୍ଦ୍ଧାରଣ କରିବେ ।
ଏହି ପୃଥକୀକରଣ ସାର୍ବଭୌମ ସମ୍ପତି ପାଣ୍ଠି, ଖୁଚୁରା ନିବେଶକ ଏବଂ ନିବେଶକଙ୍କ ସମେତ ବିଶ୍ୱନିବେଶକମାନଙ୍କୁ ଉତ୍ସର୍ଗୀକୃତ କମ୍ପାନୀଗୁଡ଼ିକରେ ପ୍ରତ୍ୟକ୍ଷ ନିବେଶ ସୁଯୋଗ ପ୍ରଦାନ କରିବ । ତାଲିକାଭୁକ୍ତ ଇକ୍ୱିଟି ଏବଂ ସ୍ୱୟଂ-ପରିଚାଳିତ ପରିଚାଳନା ଦଳ ସହିତ, ପୃଥକୀକୃତ ବ୍ୟକ୍ତିଗତ ୟୁନିଟଗୁଡ଼ିକୁ ଗ୍ରାହକ, ନିବେଶ ଚକ୍ର ଏବଂ ଚୂଡ଼ାନ୍ତ ବଜାର ସହିତ ଅଧିକ ମୁକ୍ତ ଏବଂ ଉତମ ଭାବରେ ଗୁରୁତ୍ୱପୂର୍ଣ୍ଣ ଏଜେଣ୍ଡାକୁ ଅନୁସରଣ କରିବା ପାଇଁ ଏକ ପ୍ଲାଟଫର୍ମ ପ୍ରଦାନ କରିବ ବୋଲି ବେଦାନ୍ତ ଏହାର ପୃଥକୀକରଣ ଘୋଷଣାରେ କହିଛି ।