ଟି-୨୦ ବିଶ୍ୱକପ ଲାଗି ଭାରତୀୟ ଦଳର ନୂଆ ଜର୍ସି ଉନ୍ମୋଚିତ

ନୂଆଦିଲ୍ଲୀ: ଟି-୨୦ ବିଶ୍ୱକପ ଲାଗି ଭାରତୀୟ ଦଳର ନୂଆ ଜର୍ସି ଉନ୍ମୋଚିତ କରିଛି ବିସିସିଆଇ । ଅକ୍ଟୋବର ୧୭ ରୁ ନଭେମ୍ବର ୧୪ ପର୍ୟ୍ୟନ୍ତ ୟୁଏଇ ଏବଂ ଓମାନରେ ଅନୁଷ୍ଠିତ ହେବାକୁ ଥିବା ଟି -୨୦ ବିଶ୍ୱକପ ୨୦୨୧ ରେ ବିରାଟ ବାହିନୀ ଏକ ନୂତନ କିଟ୍ରେ ନଜର ଆସିବେ। ବିସିସିଆଇ ଏକ ଟ୍ୱିଟ୍ କରି ଜର୍ସିର ଉନ୍ମୋଚନ କରିବା ସହିତ ଲେଖିଛି ବିଲିୟନ ଖୁସିର ଜର୍ସି ଉପସ୍ଥାପନ ହେଲା! ଜର୍ସିରେ ଥିବା ଢାଞ୍ଚାଗୁଡ଼ିକ ପ୍ରଶଂସକଙ୍କ ବିଲିୟନ ଖୁସି ଦ୍ୱାରା ଅନୁପ୍ରାଣିତ ହୋଇଛି ବୋଲି ବିସିସିଆଇ ଟ୍ୱିଟ୍ କରିଛି।