ଓଡିଶାରେ କାର୍ଯ୍ୟ କରିବ ଆଇଆଇଏଚ୍ଏମ୍ଆର୍

ଭୁବନେଶ୍ୱର() ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ତତ୍ତ୍ୱାବଧାନରେ ଏବଂ ଇଣ୍ଟରନ୍ୟାସ୍ନାଲ ଇନ୍ଷ୍ଟିଚୁ୍ୟଟ୍ ଫର୍ ପପୁ୍ୟଲେସନ ସାଇନ୍ସେସ୍ (ଆଇଆଇପିଏସ୍) ସମନ୍ୱୟରେ ୨୦୧୯-୨୦ ଜାତୀୟ ପରିବାର ସ୍ୱାସ୍ଥ୍ୟ ସର୍ବେକ୍ଷଣ (ଏନ୍ଏଫ୍ଏଚ୍ଏସ୍-୫) ଆୟୋଜନ କରାଯାଇଛି । ଏନ୍ଏଫ୍ଏଚ୍ଏସ୍-୫ ଓଡିଶାରେ ଫିଲ୍ଡୱର୍କର ସଂଚାଳନ କରାଯିବା ପାଇଁ ଇଣ୍ଡିଆନ୍ ଇନ୍ଷ୍ଟିଚୁ୍ୟଟ୍ ଅଫ୍ ହେଲ୍ଥ ମ୍ୟାନେଜ୍ମେଣ୍ଟ ରିସର୍ଚ୍ଚ (ଆଇଆଇଏଚ୍ଏମ୍ଆଣ୍)କୁ ଏକ କଠୋର ଚୟନ ପ୍ରକ୍ରିୟା ମାଧ୍ୟମରେ ମନୋନିତ କରାଯାଇଛି ।

ଆଇଆଇଏଚ୍ଏମ୍ଆର୍ ଦ୍ୱାରା ଓଡିଶାରେ ଏନ୍ଏଫ୍ଏଚ୍ଏସ୍-୪ (୨୦୧୫-୧୬)କୁ ସଫଳତାର ସହ କାର୍ଯ୍ୟକାରୀ କରାଯାଇଥିଲା । ବର୍ତ୍ତମାନ, ଆଇଆଇଏଚ୍ଏମ୍ଆର୍ଭୁ ବନେଶ୍ୱରରେ ୩୫୦ ଅନୁସନ୍ଧାନକାରୀ (ପୁରୁଷ ଅନୁସନ୍ଧାନକାରୀ, ମହିଳା ଅନୁସନ୍ଧାନକାରୀ ଓ ସ୍ୱାସ୍ଥ୍ୟ ଅନୁସନ୍ଧାନକାରୀ)ଙ୍କ ପାଇଁ ମାସିକ ରାଜ୍ୟସ୍ତରୀୟ ପ୍ରଶିକ୍ଷଣ କାର୍ଯ୍ୟକ୍ରମର ଆୟୋଜନ କରାଯାଉଛି । ପ୍ରଶିକ୍ଷଣ ପରେ ଏହି ଅନୁସନ୍ଧାନକାରୀମାନେ ଓଡିଶାର ୩୦ଟି ଜିଲ୍ଲାର ପ୍ରାୟ ୨୫,୦୦୦ରୁ ଅଧିକ ଘରୁ ତଥ୍ୟ ସଂଗ୍ରହ କରିବେ । ଏଥିରେ ୧୫ରୁ ୪୯ ବର୍ଷ ବୟସର କିଛି ନିର୍ଦ୍ଧିଷ୍ଟ ମହିଳାମାନଙ୍କର ଏବଂ ୧୫ରୁ ୫୪ ବର୍ଷ ବୟସର ମନୋନିତ ପୁରୁଷମାନଙ୍କର ସାକ୍ଷାତକାର ସାମିଲ ରହିବ ।

ଏହି ଅବସରରେ ଗଣମାଧ୍ୟମକୁ ସମ୍ବୋଧନକରି ଆଇଆଇଏଚଏମଆର, ଟ୍ରଷ୍ଟି ସେକ୍ରେଟାରୀ,ଡା ଏସଡି ଗୁପ୍ତା କହିଛନ୍ତି ଯେ, “୨୦୧୫-୨୦୧୬ର ଆମର ଗତ ସର୍ବେକ୍ଷଣରେ(ଏନଏଫଏଚଏସ- ୪) ରାଜ୍ୟରୁ ପରିବାର ନିୟୋଜନ, ଅଣ-ସଂକ୍ରାମକ ରୋଗ ଏବଂ ସାମୁହିକ ସ୍ୱାସ୍ଥ୍ୟ ସୂଚକ ସମ୍ବନ୍ଧିତ ଅନେକ ବିଷୟବସ୍ତୁ ନେଇଆସିଥିଲୁ । ଏନଏଫଏଚଏସ-୫ର ପ୍ରକ୍ରିୟା ବର୍ତ୍ତମାନ ଆରମ୍ଭ ହୋଇଯାଇଛି । ଆମେ ଆମର ସ୍ୱେଚ୍ଛାସେବୀମାନଙ୍କୁ ପ୍ରଶିକ୍ଷିତ କରୁଛୁ ।

ଆଜିଠାରୁ ଫିଲ୍ଡ ୱାର୍କ ପାଇଁ ତଥ୍ୟ ସଂଗ୍ରହ ଆରମ୍ଭ ହୋଇଯାଇଛି ।” ଓଡ଼ିଶା ପାଇଁ ଏନଏଫଏଚଏସ-୫ର କୋ-ଅର୍ଡିନେଟର ଡା ପ୍ରଦୀପ ପଣ୍ଡା କହିଛନ୍ତି ଯେ, “ ୟୁନିୟନ ହେଲଥ ମିନିଷ୍ଟର ଅଧିନରେ ଅନେକ ଏଜେନ୍ସି ମାଧ୍ୟମରେ ପ୍ରସ୍ତୁତ ଏନଏଫଏଚଏସ ଏବଂ ଏହାର ରିପୋର୍ଟ ଗୁଡ଼ିକ ସବୁଠାରୁ ଅଧିକ ବିଶ୍ୱସ୍ତ ତଥ୍ୟଗୁଡ଼ିକ ମଧ୍ୟରୁ ଅନ୍ୟତମ ।

ଆଇଆଇଏଚଏମଆର ଓଡ଼ିଶା ଏବଂ ଅନ୍ୟ ରାଜ୍ୟ ଗୁଡ଼ିକ ପାଇଁ ଫିଲ୍ଡ ରିସର୍ଚ ଓ ତଥ୍ୟ ସଂଗ୍ରହ ଏଜେନ୍ସି ଭାବେ ଚୟନୀତ ହୋଇ ଆସୁଛି ।” ଏନ୍ଏଫ୍ଏଚ୍ଏସ୍-୫ ହେଉଛି ଏକ ଜାତୀୟ ସର୍ବେକ୍ଷଣ ଯାହାକୁ ଭାରତରେ ଜନସଂଖ୍ୟା, ପରିବାର ନିୟୋଜନ, ମା’ ଓ ଶିଶୁର ସ୍ୱାସ୍ଥ୍ୟ, ଶିଶୁ ଅସ୍ତିତ୍ୱ, ଏଚ୍ଆଇଭି/ଏଡ୍ସ୍,

ଯୌନ ସଂଚାରିତ ସଂକ୍ରମଣ (ଏସ୍ଟିଆଇଏସ୍), ପ୍ରଜନନ ସ୍ୱାସ୍ଥ୍ୟ, ପୋଷଣ ଆଦି ପ୍ରସଙ୍ଗ ଉପରେ ସୂଚନା ପ୍ରଦାନ କରିବା ପାଇଁ ପ୍ରସ୍ତୁତ କରାଯାଇଛି । ଏନ୍ଏଫ୍ଏଚ୍ଏସ୍-୫ର ଦୁଇଟି ସ୍ୱତନ୍ତ୍ର ଉଦେ୍ଧଶ୍ୟ ରହିଛି: ପ୍ରଥମଟି ହେଉଛି ଭାରତ ସରକାରଙ୍କ ସ୍ୱାସ୍ଥ୍ୟ ଓ ପରିବାର ମନ୍ତ୍ରଣାଳୟ ଦ୍ୱାରା ଆବଶ୍ୟକ କରାଯାଉଥିବା ସ୍ୱାସ୍ଥ୍ୟ ଓ ପରିବାର କଲ୍ୟାଣ ସମ୍ବନ୍ଧିତ ଗୁରୁତ୍ୱପୂର୍ଣ୍ଣ ତଥ୍ୟ ପ୍ରଦାନ କରିବା ।

ଅନ୍ୟଟି ହେଉଛି ଗୁରୁତ୍ୱପୂର୍ଣ୍ଣ ସ୍ୱାସ୍ଥ୍ୟ ଓ ପରିବାର କଲ୍ୟାଣ ପ୍ରସଙ୍ଗଗୁଡିକ ଉପରେ ସୂଚନା ପ୍ରଦାନ କରିବା । ତେବେ ଅଧିକାଂଶ ଅନ୍ୟ ସଙ୍କେତକଗୁଡିକୁ ମଧ୍ୟ ଜିଲ୍ଲା ସ୍ତରରେ ରିପୋର୍ଟ କରାଯିବ ।ଏହି ଇନ୍ଷ୍ଟିଚୁ୍ୟଟ୍ହ ସ୍ପିଟାଲ ଓ ସ୍ୱାସ୍ଥ୍ୟ ପରିଚାଳନା କ୍ଷେତ୍ରରେ ଶିକ୍ଷା, ପ୍ରଶିକ୍ଷଣ ଓ ଅନୁସନ୍ଧାନ କାର୍ଯ୍ୟ ସମ୍ପାଦନ କରିଥାଏ । ସେହିପରି ଏକ ଯୁବ ସଂସ୍ଥା ଆଇଆଇଏଚ୍ଏମ୍ଆର୍ ଦିଲ୍ଲୀ ଏହାର ଅତ୍ୟାଧୁନିକ ପାଠ୍ୟକ୍ରମ, ଭିତିଭୂମି ସୁବିଧା ଓ ଅଭିଜ୍ଞ ଫ୍ୟାକଲ୍ଟି ମାଧ୍ୟମରେ ନିଜ ପାଇଁ ଏକ ସ୍ୱତନ୍ତ୍ର ସ୍ଥାନ ସୃଷ୍ଟି କରିପାରିଛି । ଏହା ଜାତୀୟ ଓ ଆନ୍ତର୍ଜାତୀୟ ସ୍ତରରେ ହସ୍ପିଟାଲ ଓ ସ୍ୱାସ୍ଥ୍ୟ ପରିଚାଳନା କ୍ଷେତ୍ରରେ ଏକ ଗୌରବମୟ ସ୍ଥାନ ହାସଲ କରିଛି ।