ନବୀନ ପଟ୍ଟନାୟକଙ୍କୁ ବି ଯାଞ୍ଚ କଲେ ଫ୍ଲାଇଙ୍ଗ ସ୍କାର୍ଡ … ଫରକ ଦେଖନ୍ତୁ …

ଜଣେ ଧମକ ଦେଲେ, ଆଉ ଜଣେ ସମଭ୍ରମତାର ସହ ସ୍ବାଗତ କଲେ

ଭୁବନେଶ୍ବର () ଅନେକ ସମୟରେ ରାଜନୈତିକ ମହଲରେ ଆଲୋଚନା ହୁଏ, ନବୀନ ପଟ୍ଟନାୟକ କାହିଁକି ଏବେ ବି ଲୋକପ୍ରିୟ ଏବଂ କ୍ରମାଗତ ଭାବେ କେମିତି 19 ବର୍ଷ ଧରି କ୍ଷମତାରେ ଅଛନ୍ତି । ଏହି ଭିଡିଓଟି ତାର ପ୍ରମାଣ । ଚାରି ଚାରି ଥରର ମୁଖ୍ୟମନ୍ତ୍ରୀଙ୍କୁ ନିର୍ବାଚନ କମିଶନଙ୍କ ଦ୍ବାରା ନିଯୁକ୍ତ ଫ୍ଲାଇଙ୍ଗ ସ୍କାର୍ଡ ଯାଞ୍ଚ କରିବାକୁ ପଛାଉନାହିଁ । ଆଉ ଜଣେ କେନ୍ଦ୍ରରେ ମନ୍ତ୍ରୀ ଥିବାରୁ ଫ୍ଲାଇଙ୍ଗ ସ୍କାର୍ଡ ଯାଞ୍ଚ କରିବାକୁ ପହଁଚିବାରୁ କେଉଁ ସ୍ବରରେ ସେମାନଙ୍କୁ ଧମକ ଦେଉଥିଲେ ତାର ପ୍ରମାଣ ଗତକାଲି ଦେଖିବାକୁ ମିଳିଥିଲା ।

ଗତକାଲି ନିର୍ବାଚନ କମିଶନଙ୍କ ଦ୍ବାରା ନିଯୁକ୍ତ ଫ୍ଲାଇଙ୍ଗ ସ୍କାର୍ଡ ମୁଖ୍ୟମନ୍ତ୍ରୀଙ୍କ ଚୋପରକୁ ଯାଞ୍ଚ କରିଛନ୍ତି । ଗତକାଲି ରାଉଲକେଲାରେ ମୁଖ୍ୟମନ୍ତ୍ରୀ ଚୋପରରେ ପହଁଚିବା ପରେ ପହଁଚିଥିଲେ ଫ୍ଲାଇଙ୍ଗ ସ୍କାର୍ଡ । ସେଠାରେ ସେମାନେ ମୁଖ୍ୟମନ୍ତ୍ରୀଙ୍କ ସହ ଥିବା ସବୁ ସାମଗ୍ରୀ ଯାଞ୍ଚ କରିଥିଲେ । ମୁଖ୍ୟମନ୍ତ୍ରୀଙ୍କ ଆଟାଚି, ତାଙ୍କ ସାଙ୍ଗରେ ଥିବା ଆଇସ ବକ୍ସ ଆଦିକୁ ସ୍କାର୍ଡ ଯାଞ୍ଚ କରିଥିଲେ । ଫ୍ଲାଇଙ୍ଗ ସ୍କାର୍ଡ ମୁଖ୍ୟମନ୍ତ୍ରୀଙ୍କ ସବୁ ସାମାନ ଯାଞ୍ଚ କରିସାରିବ ପରେ ସେ ଚୋପରରୁ ବାହାରି ରାଉଲକେଲାରେ ଦଳୀୟ ପ୍ରଚାର କାର୍ଯ୍ୟକ୍ରମରେ ଯୋଗ ଦେଇଥିଲେ । ଏହି ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହୋଇଛି ।

ମୁଖ୍ୟମନ୍ତ୍ରୀ ଓ ତାଙ୍କ ସୁରକ୍ଷାକର୍ମୀ ଫ୍ଲାଇଙ୍ଗ ସ୍ବାର୍ଡକୁ ସମ୍ପୂର୍ଣ୍ଣ ଭାବେ ସମର୍ଥନ କରିବା ସହ ଗୋଟିଏ ପରେ ଗୋଟିଏ ସାମଗ୍ରୀ ସେମାନଙ୍କ ଆଗରେ ଖୋଲି ଦେଖାଇଦେଇଥିଲେ । ମୁଖ୍ୟମନ୍ତ୍ରୀ ସେମାନଙ୍କୁ ଅଥି ଭଦ୍ର ଓ ନମ୍ର ଭାବେ ଯାଞ୍ଚ ପ୍ରକ୍ରିୟାରେ ସହଯୋଗ କରିଥିଲେ । ନବୀନଙ୍କ ପୋଷାକ ଥିବା ତାଙ୍କ ଆଟାଚି, ତାଙ୍କ ପାଇଁ ଆଇସ ବକ୍ସରେ ରହିଥିବା ଥଣ୍ଟା ପାନୀୟ, ତାଙ୍କ ବ୍ୟକ୍ତିଗତ ସାମଗ୍ରୀ ସବୁ କିଛିକୁ ସ୍କାର୍ଡ ଆଗରେ ଖୋଲି ଦେଖାଯାଇଥିଲା । ଆଉ ମୁଖ୍ୟମନ୍ତ୍ରୀ ସେ ସମୟରେ ଚୋପରରେ ବସି ସବୁ ଯାଞ୍ଚ ଶେଷ ହେବା ପର୍ଯ୍ୟନ୍ତ ଅପେକ୍ଷା କରିଥିଲେ ।

ଅପରପକ୍ଷରେ ଗତକାଲି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଏ ସଂପର୍କିତ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା ଏବଂ ସେଥିରେ ଫ୍ଲାଇଙ୍ଗ ସ୍କାର୍ଡର ଅଧିକାରୀଙ୍କ ସହ କେନ୍ଦ୍ରମନ୍ତ୍ରୀ କେଉଁ ସ୍ବରରେ କଥା ହେଉଥିଲେ ଏବଂ କିଭଳି ଧମକ ଦେଉଥିଲେ ତାହା ମଧ୍ୟ ସମସ୍ତେ ଦେଖିଛନ୍ତି । ଯାହାକୁ ନେଇ ସୋସିଆଲ ମିଡିଆରେ ବିଭିନ୍ନ ମହଲରୁ ସମାଲୋଚନା ହୋଇଥିବା ଦେଖିବାକୁ ମିଳିଥିଲା । ଏହି ଦୁଇଟି ଯାକ ଭିଡିଓକୁ ଦେଖିଲେ ଯେକେହି ବି ଅତି ସହଜରେ ଅନୁଭବ କରିପାରିବେ କାହିଁକି ନବୀନ ପଟ୍ଟନାୟକ ଗତ 19 ବର୍ଷ ଧରି ଲୋକପ୍ରିୟ, ସମ୍ମାନସ୍ପଦ ଏବଂ କ୍ରମାଗତ ଭାବେ କ୍ଷମତାରେ ରହି ଆସୁଛନ୍ତି ।