ଆଜି ସୋନିଆଙ୍କୁ ଭେଟିବେ ଆଜାଦ, ଜି-୨୩ର ପ୍ରସ୍ତାବ ଦେବେ

ଗୁଲାମ ନବୀ ଆଜାଦ ଆଜି ତାଙ୍କ ବାସଭବନରେ କଂଗ୍ରେସ ସଭାପତି ସୋନିଆ ଗାନ୍ଧୀଙ୍କୁ ଭେଟିବେ। ସୋନିଆଙ୍କ ସହ ଆଜାଦ ଅସନ୍ତୁଷ୍ଟ ନେତାଙ୍କ ଗୋଷ୍ଠୀ ଜି-୨୩ର ଏକ ପ୍ରସ୍ତାବ ବିଷୟରେ ଆଲୋଚନା କରିବେ | ଏହି ବୈଠକରେ ରାହୁଲ ଗାନ୍ଧୀ ଏବଂ ପ୍ରିୟଙ୍କା ଭଦ୍ରା ମଧ୍ୟ ଉପସ୍ଥିତ ରହିବେ ବୋଲି ଆଶା କରାଯାଉଛି। ଗୁଲାମ ନବୀ ଆଜାଦଙ୍କୁ ଭେଟିବା ପରେ ସୋନିଆ ଗାନ୍ଧୀ ପୁଣିଥରେ କଂଗ୍ରେସ କାର୍ଯ୍ୟକାରିଣୀ (ସିଡବ୍ଲ୍ୟୁସି) ବୈଠକ ଡାକି ପାରନ୍ତି ।

ଏହାପୂର୍ବରୁ ପାଞ୍ଚଟି ରାଜ୍ୟରେଋ ପରାଜୟ ପରେ ବୁଧବାର ରାତିରେ ଗୁଲାମ ନବୀ ଆଜାଦଙ୍କ ଘରେ ଜି -୨୩ କଂଗ୍ରେସ ନେତାଙ୍କ ଏକ ବୈଠକ ଅନୁଷ୍ଠିତ ହୋଇଥିଲା। କପିଲ ସିବଲଙ୍କ ଘରେ ଏହି ବୈଠକ ପୂର୍ବରୁ ଅନୁଷ୍ଠିତ ହେବାର ଥିଲା, କିନ୍ତୁ ଗାନ୍ଧୀ ପରିବାର ବିରୋଧରେ ତାଙ୍କ ବିବୃତ୍ତି ପରେ ସ୍ଥାନ ବଦଳାଯାଇଥିଲା।

ଏହି ବୈଠକ ଏପରି ଏକ ସମୟରେ ଅନୁଷ୍ଠିତ ହେଉଛି ଯେତେବେଳେ କି ଜି-୨୩ ଗୋଷ୍ଠୀର ପ୍ରମୁଖ ସଦସ୍ୟ କପିଲ ସିବଲ ଏକ ସାକ୍ଷାତକାରରେ ଗାନ୍ଧୀ ପରିବାର କଂଗ୍ରେସ ନେତୃତ୍ୱ ଛାଡି ଅନ୍ୟ କୌଣସି ନେତାଙ୍କୁ ଏହି ଦାୟିତ୍ବ ଦେବା ଉଚିତ୍ ବୋଲି କହିଥିଲେ। ଜି-୨୩ ବୈଠକ ପରେ ଏକ ବିବୃତ୍ତିରେ କୁହାଯାଇଛି ଯେ ୨୦୨୪ ରେ ବିଜେପିକୁ ଚ୍ୟାଲେଞ୍ଜ କରିବା ପାଇଁ ଏହାର ଏକ ବଳିଷ୍ଠ ବିକଳ୍ପ ଆବଶ୍ୟକ। କଂଗ୍ରେସ ହାଇକମାଣ୍ଡ ସମାନ ବିଚାରଧାରା ଥିବା ଦଳ ସହ କଥା ହେବା ଉଚିତ୍। ଏହି ଚିଠିରେ ଗୁଲାମ ନବୀ ଆଜାଦ, ଆନନ୍ଦ ଶର୍ମା ଏବଂ ବିବେକ ତନଖାଙ୍କ ସମେତ ୧୮ ଜଣ ନେତା ଦସ୍ତଖତ କରିଛନ୍ତି। ଗାନ୍ଧୀ ପରିବାରର ଘନିଷ୍ଠ କୁହାଯାଉଥିବା ଶଶି ଥରୁର ମଧ୍ୟ ଜି-୨୩ ବୈଠକରେ ଯୋଗ ଦେଇଥିଲେ ।